Chusity zachapili partovy horad Moka na zachodnim uźbiarežžy Jemiena i ŭmacavali svaje pazicyi kala praliva Bab-el-Mandeb — paŭdniovaha vychadu z Čyrvonaha mora, piša DW.
Praliŭ Bab-el-Mandeb nabyŭ stratehičnaje značeńnie z pačatku vajny ZŠA i Izraila suprać Irana — jon vykarystoŭvajecca jak alternatyŭny handlovy maršrut, jaki dazvalaje častkova kampiensavać pieraboi ŭ pastaŭkach nafty, vyklikanyja błakadaj Armuzskaha praliva.
Kali chusitam, jakich padtrymlivaje Iran, udasca ŭstalavać poŭny kantrol nad hetym vodnym šlacham, Tehieran moža atrymać važnuju vajennuju pieravahu, što pryviadzie da skaračeńnia pastavak enierhanośbitaŭ i vykliča rezki rost koštaŭ na naftu, adznačaje Reuters.
Prasoŭvańnie chusitaŭ adbyłosia praź niekalki hadzin paśla taho, jak prezident ZŠA Donald Tramp zajaviŭ, što čakaje zaviaršeńnia vajny ź Iranam paśla pramiežkavych vybaraŭ u Kanhres ZŠA ŭ listapadzie 2026 hoda. Kali chusity zachavajuć kantrol nad Bab-el-Mandebam, u Biełaha doma budzie mienš mahčymaściaŭ dla vychadu z kanfliktu, piša Reuters
Zaraz siły mižnarodna pryznanaha ŭrada Jemiena i ich sajuźniki vymušanyja adstupać na poŭdzień uzdoŭž uźbiarežža Čyrvonaha mora. Pradstaŭniki chusitaŭ užo zajavili, što sudnachodstva ŭ Čyrvonym mory biaśpiečnaje dla ŭsich kampanij, za vyklučeńniem sudoŭ z Saudaŭskaj Aravii — najbujniejšaha eksparciora nafty, jaki ŭdzielničaje ŭ kanflikcie na baku ŭrada Jemiena.
U pačatku vieraśnia chusity abviaścili ab pašyreńni vajennych dziejańniaŭ na Blizkim Uschodzie i nanieśli ŭdary pa čatyroch haradach na poŭdni Saudaŭskaj Aravii. U vyniku masiravanaha abstrełu paciarpieli bolš za 70 čałaviek, a na naftavych abjektach uspychnuli pažary. U svaju čarhu Saudaŭskaja Aravija naniesła bolš za 60 avijaŭdaraŭ pa niekalkich pravincyjach, jakija kantralujuć chusity.
Z 2014 hoda Jemien achopleny hramadzianskaj vajnoj, jakaja ŭžo pryviała da faktyčnaha padziełu krainy pamiž tryma supraćlehłymi bakami. Prairanskija chusity zaniali paŭnočnyja i zachodnija pravincyi Jemiena, u tym liku stalicu krainy Sanu, dzie pražyvaje kala 70% nasielnictva.
Ciapier čytajuć
Toj samy masažyst raskazaŭ, navošta zdymaŭ hołych klijentak22
Kamientary