U centry Minska adkryłasia kaviarnia, u jakoj svoj zakaz treba jašče znajści

U centry Minska adkryłasia niezvyčajnaja kaviarnia «Dzivactvy cudaŭ», dzie naviedvalnikam treba samastojna znajści schovanku z zakazanym napojem abo pačastunkam, piša Office Life.

Fota: Turystyčny partał Minska

Ustanova pačała pracavać 12 vieraśnia na vulicy Karła Marksa, 17, pobač ź viadomym restaranam «Hrunvald». Pakul tut prapanujuć tolki kavu, haračyja morsy i pončyki, ale ŭ budučyni mieniu płanujuć pašyryć.

Vydača zakazaŭ u kaviarni pieratvoranaja ŭ svojeasablivaje pradstaŭleńnie. Pončyk moža źjavicca ŭ samym niečakanym miescy: sa ściany, adnoj sa šmatlikich schovanak, šafy, lusterka abo knižnaj palicy. Naviedvalnikam davodzicca spačatku adšukać svoj zakaz.

Niezvyčajna aformleny i interjer ustanovy. Pavodle apisańnia, amal uvieś dyzajn zrobleny ŭručnuju i nahadvaje kazku «Alisa ŭ Krainie cudaŭ».

Kaviarnia pracuje biez vychadnych, z 10:00 da 21:00.

Kamientary da artykuła