Kaviarnia Iskra zapuściła dobruju inicyjatyvu. Na kubačkach dla napojaŭ barysta nakleili asablivyja pasłańni: fota hadavancaŭ, jakim vielmi patrebny dom.
Hałoŭnaja ideja — paznajomić naviedvalnikaŭ z prytułkam, dzie ciapier žyvuć sabaki, a mahčyma, dapamahčy kamuści znajści taho samaha siabra, piša Onliner.by.
Miechanika prostaja: na kožnym kubačku raźmieščanaje fota, mianuška sabaki i nievialikaje paviedamleńnie. Dalej naviedvalnik moža adskanavać QR-kod i pierajści ŭ akaŭnt prytułku Home4dog.
— Prykładna dva hady ja dapamahaju prytułku jak vałancior, — raspaviała kiraŭnica kaviarni Anastasija. — Kali z kaviarniaj usio naładziłasia, źjaviłasia ideja dapamahać žyviołam takim čynam. My nie prosim zabirać sabak — u pieršuju čarhu chočam pryciahnuć da ich uvahu.
Bo navat repost u storys u Instagram užo pavyšaje vierahodnaść taho, što niechta zaŭvažyć hadavanca. Viedaju, što ŭ prytułku ŭžo vyraśli ahlady ŭ sacyjalnych sietkach: ludzi pierachodziać pa QR-kodzie, i čym bolš jany prahladajuć profil, tym čaściej jon pakazvajecca inšym karystalnikam.
Ale i heta jašče nie ŭsio: častka srodkaŭ ad prodažu napojaŭ u «dobrych» kubačkach taksama budzie nakiravanaja na dapamohu žyviołam.
Pavodle słoŭ Anastasii, akcyja dakładna budzie praciahvacca da kanca vieraśnia. Znajści kaviarniu možna na druhim paviersie handlova-zabaŭlalnaha centra «Tytan» (pr-t Dziaržynskaha, 104B).
Kamientary