Minskaja kaviarnia «Van Hoh» abviaściła niezvyčajnuju akcyju, prapanavaŭšy klijentam prynieści kabačok, a ŭzamien atrymać biaspłatny kapučyna abo amierykana pamieru S.
Karystalniki cikavilisia, ci možna prynieści patyson, ci budzie kava na kabačkovym małace, ci možna pryjści sa svajoj kavaj i abmianiać jaje na kabačok. Chtości vyrašyŭ, što «taryf vyhadny», bo kabačok u kramie kaštuje 4 rubli, a kava — 5—12 rubloŭ, piša Onliner.by.
Žarty žartami, ale kaviarniu ciapier možna nazyvać «Van Kabačok» — va ŭstanovu ŭžo prynieśli kala 50 kh harodniny.
Art-mieniedžar prastory Lija raspaviała, što padobnuju akcyju ŭ kaviarni pravodziać upieršyniu. Ideja naležyć zasnavalniku, choć supracoŭniki spačatku krychu sumniavalisia: pa čutkach, uradžaj sioleta nie nadta vialiki.
A na samoj spravie košyki z vosieńskaj harodninaj u kaviarni nie paśpiavajuć aparažniać.
— Tolki advierniešsia — znoŭ poŭny. Jany, nie inakš, razmnažajucca pačkavańniem, — z uśmieškaj dzielicca Lija. — Užo i inšyja kaviarni padchapili ideju — naprykład, prymajuć harbuzy.
Uvieś sabrany z 1 vieraśnia ŭradžaj zachoŭvajecca ŭ suchim prachałodnym miescy.
Staŭ viadomy adkaz na samaje častaje pytańnie naviedvalnikaŭ kaviarni: što ž budzie z kabačkami. Učora startavała biaspłatnaja razdača piraha z vosieńskaj harodniny.
— U čatyry ruki pierapracavali kala 10—12 kh kabačkoŭ. Na heta pajšło kala piaci hadzin, — raskazvaje pra toje, jak prajšła noč, dyrektar ustanovy Palina. — Atrymałasia 5 sałodkich pirahoŭ, 4 niesałodkija i 2 kastruli aładak. Spadziajomsia, chopić usim achvotnym.
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary
A pro kabački....Nie každyj rieciept prokatit s nimi, čaŝie ich rostiat dla podarka)) i často pieriedarivajut.