Pačaścilisia zaloty ŭ Biełaruś rasijskich udarnych dronaŭ

Na praciahu 21 vieraśnia byli zafiksavanyja šmatlikija vypadki łakalnaha parušeńnia pavietranaj prastory Biełarusi rasijskimi ŭdarnymi bieśpiłotnikami padčas ataki terytoryi Ukrainy, piša vydańnie «Fłahštok».

Zdymak ilustracyjny. Fota: Anton Petrus / Getty Images

Pavodle danych ukrainskaha manitorynhavaha kanała «jeRadar», ranicaj kala 9:00 adrazu čatyry bieśpiłotniki prajšli zvykłym maršrutam, skaraciŭšy šlach praz vystup Brahinskaha rajona padčas palotu praz Čarnobylskuju zonu adčužeńnia.

Prykładna ŭ 9:30 jašče dva drony byli zaŭvažanyja na terytoryi Biełarusi ŭ Čarnobylskaj zonie. Miarkujecca, što jany praciahnuli ruch uhłyb Biełarusi. Užo kala 9:55 ich zafiksavali ŭ rajonie Jelska i Chojnikaŭ.

Kala 12:10 adzin z hetych bieśpiłotnikaŭ vylecieŭ ź Biełarusi va Ukrainu ŭ napramku Oŭruča. Druhi paśla hetaha bolš nie fiksavaŭsia. Prykładna ŭ hety ž čas u hetym rajonie Homielskaj vobłaści naziraŭsia pralot vajskovaj avijacyi.

Uviečary, kala 19:55, jašče adzin rasijski bieśpiłotnik ruchaŭsia pa terytoryi Biełarusi ŭzdoŭž miažy z Žytomirskaj vobłaściu, paśla čaho taksama vylecieŭ va Ukrainu.

Prykład apieratyŭnaj schiemy kanała «jeRadar»

Takim čynam, na praciahu sutak 21 vieraśnia ŭ Homielskaj vobłaści było zafiksavana jak minimum siem zalotaŭ rasijskich udarnych dronaŭ. Raniej, 12—13 vieraśnia, było zafiksavana nie mienš za dziesiać vypadkaŭ parušeńnia pavietranaj prastory Biełarusi bieśpiłotnikami.

Infahrafika «Fłahštoka»

Takim čynam, paśla niekalkich miesiacaŭ adnosnaha zacišša, kali fiksavalisia tolki adzinkavyja vypadki, kolkaść zalotaŭ rasijskich bieśpiłotnikaŭ znoŭ pavialičyłasia.

Adznačajecca, što havorka idzie nie pra reaktyŭnyja bieśpiłotniki, a pra drony typu «Šachied» i «Hierań».

Kamientary da artykuła