Upieršyniu za hod zafiksavanyja masavyja zaloty rasijskich dronaŭ na Homielščynu
Jak praviła, heta byli nie reaktyŭnyja, a kłasičnyja «hierani».
Upieršyniu za hod zafiksavanyja masavyja zaloty rasijskich udarnych bieśpiłotnikaŭ u Homielskuju vobłaść na praciahu sutak. Takoha nie było roŭna hod — na praciahu apošnich miesiacaŭ fiksavalisia tolki adzinkavyja vypadki. Apošni raz masavyja adnačasovyja zaloty byli ŭ pačatku vieraśnia 2025 hoda, piša «Fłahštok».
I voś 12—13 vieraśnia, pavodle padlikaŭ «Fłahštoka» i ŭdakładnienych źviestak, minimum 10 rasijskich bieśpiłotnikaŭ parušyli pavietranuju prastoru Biełarusi.
Padčas masiravanaj ataki Rasii ŭ subotu prykładna a 11:00 pačalisia pieršyja ŭvarvańni bieśpiłotnikaŭ u Biełaruś. U hety čas adzin ź ich užo vylataŭ va Ukrainu, a praz hadzinu dva bieśpiłotniki zalacieli na Homielščynu i nakiroŭvalisia ŭ bok Naroŭli i Lelčyc. Zatym jašče dva ruchalisia ŭ napramku Mazyra. Kala 14:00 na Homielščynu zalacieła novaja para rasijskich dronaŭ. Praz paŭhadziny — jašče adzin bieśpiłotnik.
Prykładna ŭ 02:30 13 vieraśnia byŭ zafiksavany vylet ź Biełarusi adnaho bieśpiłotnika, kala 10:40 — jašče adnaho.
Bolšaść dronaŭ vylecieli nazad u Ukrainu, ale dakładnaj infarmacyi ab usich bieśpiłotnikach, jakija ŭryvalisia ŭ Biełaruś, pakul niama.
Pavodle infarmacyi ŭkrainskaha manitorynhavaha kanała eRadar, jak praviła, heta byli nie reaktyŭnyja, a kłasičnyja «hierani» z ruchavikom, huk jakoha nahadvaje huk mapieda.
Čaściej za ŭsio drony parušali paŭdniovuju miažu Homielskaj vobłaści i ruchalisia ŭ napramku Mazyra, Naroŭli i Lelčyc.
Pavodle źviestak kanała eRadar, dva drony kala 13:45 byli zafiksavanyja ŭ Mazyrskim rajonie na adlehłaści 20 kiłamietraŭ ad biełaruska-ŭkrainskaj miažy.
Akramia taho, adzin z žycharoŭ Pietrykaŭskaha rajona paviedamlaŭ, što prykładna z 10:00 da 12:00 čuŭ u niebie charakterny huk «šachiedaŭ», a taksama — reaktyŭnaha ruchavika. Mahčyma, drony pieraśledvali źniščalniki.
Zaloty bieśpiłotnikaŭ byli źviazanyja z masiravanaj atakaj Rasii na zachodnija vobłaści Ukrainy va ŭmovach tumannaha nadvorja.
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma12
Kamientary