Zakinutyja siadziby i kaścioły Biełarusi stanuć łakacyjami dla novaj videahulni

Jak paviedamlaje hulniavy partał iXBT Games, ajčynnaja studyja Qualestory Games anansavała prajekt SHLYAKH — atmaśfiernaje padarožža pa znakavych miaścinach krainy ź nievialikimi elemientami choraru. Jašče niadaŭna aŭtary sprabavali stvaryć maštabny histaryčny błokbastar pra siaredniaviečny Turaŭ, ale vyrašyli pieraklučycca na farmat kampaktnaha roŭd-trypu, piša Domovita.by.

Krynica: Qualestory Games

Zamiest biaskoncaha daŭhabudu

Paru hadoŭ tamu heta ž kamanda raspracoŭščykaŭ užo sprabavała stvaryć ambitny prajekt Tales of Meadows. Pa zadumcy heta byŭ histaryčny ekšan pra padziei va Uschodniaj Jeŭropie XIII stahodździa.

Krynica: Qualestory Games

Hałoŭny hieroj Pilip razam sa svaim nastaŭnikam Pieraśvietam pavinien byŭ viarnucca ŭ Turaŭ i pastupić na słužbu da kniazia, ale zamiest kvitniejučaha kraju zastaŭ zaniapad, strach i pahanskija abrady ŭ huščarach.

Krynica: Qualestory Games

Zadumka vyhladała pryhoža, adnak da relizu sprava tak i nie dajšła. U vieraśni raspracoŭščyki paviedamili, što stvareńnie histaryčnaj epapiei biez bujnoha inviestara pahražaje zaciahnucca jašče hadoŭ na piać. Tamu kamanda vyrašyła zrabić vybar na karyść raspracoŭki nievialikaha prajekta, jaki realna vypuścić u ahladnaj pierśpiektyvie.

Krynica: Qualestory Games

Pajezdka pa starych kaściołach i zabytych siadzibach

Tak na śviet źjaviłasia ideja hulni SHLYAKH. Pa svajoj sutnaści heta kłasičnyja darožnyja pryhody — pajezdki pa karcie i pastupovaje pahružeńnie ŭ navakolnaje asiarodździe. U jakaści asnoŭnych hulniavych łakacyj aŭtary abrali mienavita zakinutyja siadziby i kaścioły Biełarusi, mnohija ź jakich u realnaści cicha dažyvajuć svoj viek u poŭnym zaniapadzie.

Krynica: Qualestory Games

Kab pajezdka nie nahadvała nudnuju ekskursiju, raspracoŭščyki dadaduć u apovied elemienty choraru.

Prajekt užo atrymaŭ aficyjnuju staronku na placoŭcy Steam. Dakładnuju datu vychadu hulni raspracoŭščyki pakul nie nazyvajuć.

Kamientary da artykuła