U Rasii vajskovy deziercir zabiŭ i rasčlaniŭ troch žančyn
U Nižaharodskaj vobłaści zatrymali deziercira z vojska, jakoha padazrajuć u zabojstvie troch žančyn — svajoj sužycielki, jaje maci i dački. Mužčyna častkova pryznaŭ vinu, piša telehram-kanał Mash.
Skrynšot ź videa
Złačynstva raskryłasia paśla taho, jak na poście DPS u Nižnim Noŭharadzie palicejskija spynili dla pravierki mikraaŭtobus «Haziel». U kuzavie jany znajšli pareštki troch žančyn, raskładzienyja pa miaškach, zaplečnikach i pakietach. Padazravany, jaki znachodziŭsia ŭ furhonie ŭ jakaści pasažyra, uciok. Kiroŭca zajaviŭ, što nie viedaŭ, što znachodzicca ŭ kuzavie.
Padazravanaha nieŭzabavie zatrymali. Pa infarmacyi Śledčaha kamiteta, jon źjaŭlaŭsia dezierciram i chavaŭsia ŭ pasiołku Niakludava pad horadam Bor. Tam u jaho adbyŭsia kanflikt z sužycielkaj. Mužčyna niekalki razoŭ udaryŭ jaje manciroŭkaj pa hałavie, ad čaho jana pamierła.
Paśla hetaha mužčyna pajechaŭ u Nižni Noŭharad da maci i dački zabitaj i raskazaŭ im pra toje, što adbyłosia. Žančyny vyrašyli paviedamić pra zdareńnie ŭ palicyju, ale mužčyna zabiŭ ich toj ža manciroŭkaj.
Paśla zabojstvaŭ jon rasčlaniŭ cieły, raskłaŭ pareštki pa pakietach i naniaŭ «Haziel». Mužčyna mieŭ namier schavać ich u lesie, adnak 5 kastryčnika furhon spynili na pastu DPS «Miaščerski».
Zatrymanamu vystavili abvinavačańni ŭ zabojstvie, zabojstvie dvuch i bolš čałaviek, a taksama ŭ deziercirstvie. Svaju vinu jon pryznaŭ tolki častkova.
Čytajcie taksama:
«Hieroj Danbasa» zabiŭ i rasčlaniŭ siabroŭku i jaje 19‑hadovuju dačku