U Minsku nie źbirajucca ŭvodzić płatu za ŭjezd u centr horada

U Minsku nie płanujuć uvodzić płatny ŭjezd u centr horada. Pra heta zajaviŭ staršynia Minharvykankama Uładzimir Kucharaŭ, piša ahienctva «Minsk-Naviny».

Zdymak ilustracyjny. Fota: «Naša Niva»

Pavodle słoŭ čynoŭnika, u centralnaj častcy stalicy aktyŭna raźvivajecca sistema płatnych parkovak. U miežach pieršaha i druhoha haradskich kolcaŭ užo abstalavana kala 10 tysiač płatnych parkovačnych miescaŭ. Z časam ich kolkaść budzie pavialičvacca.

Ź nievialikimi vyklučeńniami płata za parkoŭku spahaniajecca ŭ pracoŭnyja dni ŭ dzionny čas. Heta dazvalaje žycharam navakolnych damoŭ biaspłatna pakidać svaje aŭtamabili na hetych miescach, kali jany viartajucca z pracy.

Kucharaŭ adznačyŭ, što ludzi, jakija pryjazdžajuć u centr stalicy pa spravach, mohuć sami vybirać, jak im dabiracca: apłacić parkoŭku abo skarystacca hramadskim transpartam.

Raniej kiraŭnik Minharvykankama paviedamlaŭ, što ŭ Minsku na parkinhach i stajankach jość bolš za 20 tysiač svabodnych miescaŭ.

Kamientary da artykuła