Chmaračos «Hazpram Centr» u Minsku amal daros da svajho najvyšejšaha punkta FOTY
Na chmaračos «Hazpram Centr» źviarnuŭ uvahu aŭtar telehram-kanała «Minsk i minčanin» Dzianis Blišč. Na jahonuju dumku, škleńnie padkreśliła formu budynka, uvasobiŭšy zadumu architektara.
Chmaračos amal daros da najvyšejšaha punkta, a bietonnyja raboty nabližajucca da finału, adznačaje aŭtar telehram-kanała «Minsk i minčanin» Dzianis Blišč. Škleńnie vyjaviła tyja samyja linii i formy, jakija zakładaŭ architektar.
Taksama možna ŭbačyć, što prymieračnaje čyrvonaje škło na nievysokich karpusach zamieniena na pastajannaje.
Dla ŭźviadzieńnia hetaha budynka była zroblena adna z samych masiŭnych manalitnych asnoŭ u historyi biełaruskaha budaŭnictva. Padmurak budynka sapraŭdy unikalny. Tryvałaść kanstrukcyi zabiaśpiečvajuć 483 buranabiŭnyja pali dyjamietram 80 sm, jakija iduć u ziamlu na 35 mietraŭ. Źvierchu na ich zalitaja hihanckaja padmurkavaja plita taŭščynioj 3,5 mietra.
Miarkujecca, što da kanca hoda abjekt źjavicca ŭ praktyčna zavieršanym vyhladzie. U jaho budzie adna prykmietnaja asablivaść: na nachilnym dachu praduhledžanyja dva vialikija luki, ź jakich buduć vyjazdžać dva śpiecyjalnyja krany. Ich asnoŭnaje pryznačeńnie — absłuhoŭvać fasad, u tym liku mianiać jaho elemienty, piša vydańnie Realt.by.
Unutry chmaračosa raźmieścicca ofis kampanii «Hazpram transhaz Biełaruś», na vierchnich uzroŭniach adkryjecca restaran. U inšych zbudavańniach šmatfunkcyjanalnaha kompleksu raźmieściacca ofisnyja pamiaškańni, hatel, miedycynski reabilitacyjny centr, handlovyja abjekty. Praduhledžany i parkinh, zdolny zabiaśpiečyć mašyna-miescami ŭsie abjekty, što budujucca.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?4
Kamientary