U Biełarusi stvorać adziny rejestr ekśpiedytaraŭ
Da 1 krasavika 2027 hoda ŭ Biełarusi pavinny stvaryć dziaržaŭny infarmacyjny resurs «Adziny rejestr ekśpiedytaraŭ». Jaho ŭładalnikam i apierataram vyznačanaja Transpartnaja inśpiekcyja.
Zdymak ilustracyjny. Fota: Lookby.media
Adpaviedny ŭkaz Alaksandra Łukašenki zamacoŭvaje patrabavańni da ekśpiedytaraŭ i vyznačaje paradak uklučeńnia źviestak pra ich u rejestr, prypynieńnia dziejańnia hetych źviestak i vyklučeńnia z rejestra za parušeńnie ŭstanoŭlenych patrabavańniaŭ.
Uklučeńnie źviestak u rejestr budzie płatnym i kaštavać 10 bazavych adzinak. Za ŭniasieńnie źmien treba budzie zapłacić adnu bazavuju adzinku.
Z 1 vieraśnia 2027 hoda najaŭnaść źviestak pra ekśpiedytara ŭ rejestry stanie abaviazkovaj umovaj dla pracy na rynku transpartna-ekśpiedycyjnych pasłuh.