Tramp zapościŭ žartaŭlivy rolik pa matyvach napadu tyhra na čałavieka ŭ brytanskim zaaparku. Svajaki zahinułaha aburanyja
U brytanskim horadzie Donkaster 10 kastryčnika amurski tyhr pa mianušcy Ałtaj zahryz naviednika parku dzikaj pryrody, jaki zalez u jahony valjer. Historyja ablacieła ŭsie suśvietnyja ŚMI i nabyła niečakany praciah.
Skrynšot ź videa
Praz try dni paśla trahičnaha zdareńnia prezident ZŠA Donald Tramp apublikavaŭ u sacyjalnaj sietcy Truth Social kadry napadu tyhra z podpisam «Nikoli nie hulajcie z pryrodaj!»
Paźniej jon raźmiaściŭ videa, stvoranaje z dapamohaj štučnaha intelektu, na jakim sam kulajecca ŭ travie razam z tyhram, a paśla abdymaje jaho.
Publikacyi Trampa vyklikali abureńnie svajakoŭ zahinułaha. Jany zajavili, što raspaŭsiudžvańnie takoha hłyboka abraźlivaha kantentu pryčyniaje siamji dadatkovyja pakuty, i zaklikali spynić publikacyju padobnych materyjałaŭ. Brytanskaja palicyja taksama zaklikała nie raspaŭsiudžvać videa napadu.
Zahinułamu Uiljamu Čapmanu było 23 hady. Pavodle jahonych svajakoŭ, jon byŭ jarkim, dobrym i abajalnym maładym čałaviekam. Na praciahu mnohich hadoŭ Čapman lačyŭsia ad surjoznaha psichičnaha zachvorvańnia i prymaŭ mocnadziejnyja leki. Siamja adznačyła, što jašče treba vyśvietlić, jakuju rolu jahony stan i lačeńnie mahli adyhrać u trahiedyi.
Park dzikaj pryrody, dzie adbyŭsia napad, zastajecca zakrytym dla naviednikaŭ. Administracyja paviedamiła, što tyhra Ałtaja ŭsyplać nie buduć.
Čytajcie taksama:
Tyhr zabiŭ naviedvalnika zaaparka ŭ Anhlii. Pierad hetym mužčyna pakazaŭ jamu dziŭny žest
Tramp rasparadziŭsia skaracić papulacyju kamaroŭ u Vašynhtonie na 90%
«Rašeńnie jak by racyjanalnaje». Paźniak vykazaŭsia adnosna dyzielnaj ździełki Trampa z Pucinym