Tyhr zabiŭ naviedvalnika zaaparka ŭ Anhlii. Pierad hetym mužčyna pakazaŭ jamu dziŭny žest
Miedyki nie paśpieli vyratavać mužčynu.
Zdareńnie adbyłosia 10 kastryčnika ŭ Yorkshire Wildlife Park kala Dankastera (Anhlija). Mužčyna zalez u valjer da amurskaha tyhra pa mianušcy Ałtaj, i toj na jaho napaŭ. Mužčynu było kala 20 hadoŭ. Na miesca prybyli dźvie mašyny chutkaj dapamohi i miedyčny viertalot, ale vyratavać naviedvalnika nie ŭdałosia, jon pamior na miescy, piša Daily Mail.
Śviedki raskazvajuć, što mužčyna byŭ adzin. Niepasredna pierad incydentam jon paprasiŭ nieznajomuju žančynu niekalki razoŭ sfatahrafavać jaho na fonie tyhra, a potym pieraskočyŭ praz aharodžu. Supracoŭniki chutka prybiehli i zrabili piać hučnych strełaŭ, kab adahnać žyviołu, ale ŭsio skončyłasia za niekalki chvilin.
Na videa mužčyna, padobna, pakazvaje tyhru kułak z adstaŭlenym mizincam. Karystalniki X miarkujuć, što heta žest «drenna» ź sistemy Makaton, jakoj karystajucca ludzi ź ciažkaściami ŭ kamunikacyi. Adna sa śviedak taksama vykazała mierkavańnie, što mužčyna, mahčyma, prosta chacieŭ pahulać z tyhram.
Ałtaj nie paciarpieŭ: streły byli ŭ pavietra, a nie ŭ jaho. Park zajaviŭ, što tyhra nie ŭsypiać.
-
Słon ź miortvym słanianiom, kajot u San-Francyska, puma na aharodžy… Voś jakija raboty stali sioletnimi pieramožcami konkursu «Fatohraf hoda dzikaj pryrody»
-
Iłan Mask: Starlink nielha vykarystoŭvać dla nastupalnych dziejańniaŭ, a chutkaść i paramietry vajskovych terminałaŭ vyznačajuć Pientahon i Tramp
-
Dla ŭjezdu ŭ Kazachstan biełarusam treba budzie zapytvać propusk za try dni
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary
[Zredahavana]