Na sajcie Centrvybarkama źjavilisia papiarednija śpisy pieramožcaŭ vybaraŭ. Nakolki spraŭdziŭsia prahnoz «Našaj Nivy»?
Niečakanaściaŭ tolki niekalki.
Ad Kalinoŭskaj akruhi №108 pieramožcam nazvali Maksima Miśko, staršyniu praŭleńnia Biełaruskaha fondu miru (heta hramadskaja arhanizacyja pieravažna abjadnoŭvaje biudžetnikaŭ i spraŭna pastaŭlaje praŭładnych naziralnikaŭ na vybary) i pieršaha namieśnika staršyni Biełaruskaha sajuza suvoraŭcaŭ i kadzietaŭ.
A voś namieśnik dyrektara Instytuta historyi Akademii navuk Vadzim Łakiza zastaŭsia ni z čym. Jaho doŭhi čas padtrymlivała «Biełaja Ruś», ale niešta pajšło nie tak.
Jašče adna techničnaja zamiena ŭ Minsku adbyłasia na akruzie №110. Zamiest dyrektarki himnazii №5 Łady Zacharavaj pieramožcaj nazvali Volhu Myčko, hałoŭnuju doktarku chośpisa.
Pieramohu kandydatki ad AHP Hanny Kanapackaj pradkazać, zdajecca, było niemahčyma.
Narešcie, u Asipovickaj akruzie prajhraŭ ciapierašni deputat Mikałaj Kałtunoŭ. Zafiksavanaja pieramoha Alimpijskaha čempijona, vieślara Alaksandra Bahdanoviča.
U Brestčynie, Viciebščynie, Hrodzienščynie i Minščynie prahnoz byŭ dakładnym.
Ciapier čytajuć
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1111
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj11
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4343
Kamientary