U subotu na trybunach 9-tysiačnaj «Čyžoŭka-Areny» prajšła cyrymonija adkryćcia finalnaha matču Kubka Fiederacyi pamiž tenisistkami zbornych Biełarusi i ZŠA.
Siarod zaŭziataraŭ byŭ i Alaksandr Łukašenka. Abapał jaho siadzieli byłaja himnastka Ksienija Sankovič i kiraŭnik tenisnaj fiederacyi Siarhiej Ciacieryn. Taksama pobač byli zaŭvažanyja biznesoŭcy Alaksandr Šakucin (siadzić sprava ad Ciacieryna) i Alaksandr Mašenski (u tym ža šerahu, dalej źleva), rasijski pradziusar Viktar Drobyš (jašče dalej źleva), pres-sakratarka prezidenta Natalla Ejsmant i pryhažunia z słužby pratakoła Darja Šmanaj (pierad Łukašenkam). A šeraham vyšej siadzieła kiraŭnica Administracyi Natalla Kačanava.
Dla biełaruskich tenisistak heta pieršy ŭ historyi vychad u finał Kubka Fiederacyi, a zbornaja ZŠA źjaŭlajecca rekardsmienam pa kolkaści pieramoh — u jaje 17 čempijonskich tytułaŭ. Siońnia hulajuć druhi numar biełaruskaj kamandy Alaksandra Sasnovič i pieršaja rakietka amierykanskaj družyny Koka Vandeviehie.
12 listapada adbuducca jašče dva adzinočnyja pajadynki: Aryna Sabalenka — Koka Vandeviehie, Alaksandra Sasnovič — Słoan Styviens. Paśla projdzie parnaja sustreča, u jakoj biełaruski Viera Łapko i Lidzija Marozava buduć supierničać z amierykankami Elisan Ryskie i Šiełbi Rodžers.
Kamientary