Ułada ZŠA raźličvaje atrymać bolš infarmacyi pa spravie byłoha amierykanskaha marskoha piechacinca, zatrymanaha FSB Rasii pa padazreńni ŭ špijanažy, paviedamiŭ dziaržsakratar ZŠA Majk Pampiea, piša bbc.com.
«My dakładna vykazali Rasii našu nadzieju na toje, kab daviedacca bolš pra abvinavačvańni, zrazumieć, u čym jaho vinavaciać. I kali zatrymańnie nie abhruntavanaje, my budziem patrabavać jaho nieadkładnaha viartańnia», - skazaŭ Pampiea žurnalistam.
Pasoł ZŠA ŭ Rasii Džon Hantsman naviedaŭ Poła Uiłana, jakoha trymajuć u śledčym izalatary Lafortava ŭ Maskvie.
31 śniežnia FSB paviedamiła, što zatrymała hramadzianina ZŠA Poła Uiłana 28 śniežnia «pry praviadzieńni špijonskaj akcyi».
Na nastupny dzień jaho brat Devid Uiłan raspavioŭ BBC, što Poł pryjechaŭ u Rasiju na viasielle svajho siabra.
Poł Uiłan prylacieŭ u Rasiju 22 śniežnia. Apošni raz jaho siamja kantaktavała ź im 28 śniežnia, napiaredadni viasiella, kaža Devid. Pra jaho zatrymańni svajaki daviedalisia sa ŚMI.
U apošni čas Poł pracavaŭ u słužbie biaśpieki kampanii BorgWarner, što vyrablaje detali dla aŭtamabilaŭ.
Pavodle infarmacyi haziety Washington Post, Poł Uiłan pajšoŭ na słužbu ŭ marskuju piachotu ŭ 1994 hodzie, udzielničaŭ u kampanii ŭ Iraku, ale ŭ 2008 hodzie jaho zvolnili z uzbrojenych sił paśla taho, jak asudzili za kradziež.
Špijonskija skandały
U siaredzinie śniežnia ŭ ZŠA adbyŭsia sud nad aryštavanaj u lipieni 2018 rasijankaj Maryjaj Bucinaj. Jaje vinavacili ŭ złačynnaj zmovie z metaj pracy ŭ ZŠA ŭ jakaści zamiežnaha ahienta biez naležnaj rehistracyi ŭ Miniuście.
Rasijanka pryznała vinu i pajšła na ździełku sa śledstvam.
U sakaviku Vialikabrytanija i šerah jaje sajuźnikaŭ vysłali bolš za 100 rasijskich dypłamataŭ i ich siemji ŭ adkaz na atručvańnie ŭ anhlijskim horadzie Sołśbiery byłoha ahienta HRU Siarhieja Skrypala i jaho dački.
Rasija ŭsie abvinavačvańni adprečvała i vysłała ŭ adkaz dziasiatki zachodnich dypłamataŭ.
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta2
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary