Z 1 studzienia ŭ stalicy kasavaja rasiejskaja kamiedyja «Luboŭ-morkva-2».
Luboŭ-morkva 2 (Lubov́-morkov́ 2)
Rasieja, 2009, kalarovy, 98 chvilin
Režysior: Maksim Piežemski
Roli vykonvajuć: Krystyna Arbakajte, Hoša Kucenka, Lidzija Vieležava, Kirył Platnioŭ, Volha Arłova, Dzianis Paramonaŭ
Žanr: Kamiedyja
Adznaka: 6 (z 10)
Z Novaha hodu na mienskija ekrany vyjšła druhaja častka kinakamiedyi «Luboŭ-morkva».Dramaturh i scenaryst Andrej Kurejčyk na premjery dla žurnalistaŭ skazaŭ, što ŭ hetaj stužcy jon adšurchoŭvaŭsia ad padziej asabistaha žyćcia – u jaho naradziŭsia syn.
Dzieci , chłopčyk i dziaŭčynka, naradzilisia i ŭ kinafilmie ŭ siamji Hołubievych. Na svajo dziesiacihodździe bliźniaty marać atrymać sabačak, ale im dorać robataŭ. Baćki nie čujuć i nie razumiejuć svaich dziaciej – i na dapamohu prychodzić čaraŭnik-doktar. Jon mianiaje darosłych i dziaciej ciełami. Ciapier juryst Andrej i mastactvaznaŭca Maryna musiać spaścihać ciažkaści školnaha žyćcia. A dzietki (u darosłych ciełach) – raskryć machlarstvy z dyjamientam i vyratavać siamju i dom.
Druhaja sieryja «Lubovi» pastaŭlenaja režysioram Maksimam Piežemskim, jaki viadomy aryhinalnaj aŭtarskaj stužkaj «Mama, nie sumuj!» Źmiena režysiora pajšła na karyść karcinie. Film staŭsia bolej čałaviečnym (chacia biez naviaźlivych hłamurna-rekłamnych kadraŭ nie abyšłosia).
Uvohule,
druhaja častka pieraŭzychodzić pieršuju. Jana i śmiašniejšaja, i enerhičniejšaja.Darosłyja dzietki bieznadziejna infantylnyja: Hoša Kucenka hraje ŭ samalociki, Kryścina Arbakajte buchajecca na kalenki Dziedu Marozu. Falšyvaja niania (pieraapranuty bandyt) ładzić skandały, dzicia ŭhaniaje mašynu (biednyja piešachody!). Usie – asabliva hledačy – ščaślivy. I navat hałoŭnym niahodnikam dastajecca miska smačnaha sabačaha kormu.
Kurejčyk skazaŭ, što film nie dla fiestyvalaŭ i krytykaŭ. Nakont fiestyvalaŭ – praŭda. Film – dla kasy (za 4 dni ŭžo siabie akupiŭ). Ale taksama i dla tych – chto žadaje lohka i viesieła adpačyć.
Kamientary