Andrej Rasinski pra Kinafarmat «4ch4»
Faktotum (Factotum)
ZŠA–Narvehija, 2005, kalarovy, 94 chv.
Žanr: drama pavodle tvoraŭ Čarłza Bukoŭskaha.
Adznaka: 5,5 (z 10).
Henry Čynaski (Met Dyłan) piša j pje. Jon źmianiaje pracu za pracaj – na fabrykach dy schoviščach, – kab zarabić kapiejčynu na čarniła (i na atramant taksama). Piśmieńnik-marhinał sustrakajecca z takimi ž nieprytulnymi prastytutkami, hulaje na skačkach i pje.
Režyser karciny – narvežac Bent Chamer, viadomy «etnahrafična-pabytovaj» trahikamedyjaj «Kuchonnyja bajki». Hieroj «Faktotumu» vypisany z takoj ža paŭnočnaj strymanaściu. Anijakich bujnych razhułaŭ, bahiemnaj ramantyki ci sacyjalnaha vykryćcia.
Udumlivaje nazirańnie za čałaviekam, jaki śviadoma abraŭ marhinalnuju nišu svajoj svabody.
Misis Hendersan prezentuje (Mrs. Henderson Presents)
Vialikabrytanija, 2005, kalarovy, 103 chv.
Žanr: kamedyjnaja drama.
Aŭdaviełaja Łora Hendersan (Džudzi Denč) nabyvaje londanski teatar. U kampanii z menedžaram (Bob Hoskinz) jana arhanizuje spektakli, dzie hieraini ahalajucca, kab padtrymać bajavy duch zmaharoŭ z fašyzmam.
Džudzi Denč i Bob Hoskinz u karcinie – zakachanyja kamičnyja staryja. A eratyčnaje šoŭ režyser Styven Fryrz vydaje za historyka-patryjatyčnuju dramu.
Niestandartnaje spałučeńnie.
Biełaja hrafinia (White Countess)
Vialikabrytanija–ZŠA–Niamieččyna–Kitaj, 2005, kalarovy, 138 chv.
Žanr: drama.
U Šanchai 1936 hodu aślepły dyplamat (Ralf Fajns) zakachaŭsia ŭ rasiejskuju ŭciakačku-hrafiniu (Nataša Ryčardsan).
Režyser stužki – Džejmz Ajvary.
Film naminavaŭsia na premiju «Satellite Awards» za najlepšyja huk i kaściumy.
Adzin sychodzić, druhi zastajecca (Un reste, l'autre part)
Francyja, 2005, kalarovy, 109 chv.
Žanr: kamedyja.
Dva paryskija antykvary (Daniel Atej i Pjer Ardyty) adnačasova traplajuć u składanuju sytuacyju. Paśla siamiejnych mitrenhaŭ kožny ź ich zakachaŭsia. Kinuć žonku ci zastacca?
Režyser – Klod Bery.
Film – udzielnik kinafestu ŭ Stambule.
Andrej Rasinski
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary