Da kanca hoda mabilny internet u Biełarusi zrobiać bolš chutkim. Adnaho z apierataraŭ užo aštrafavali za jakaść
Čynoŭnik patłumačyŭ, jak płanujuć palepšyć jakaść mabilnaha internetu.
Da kanca 2026 hoda jomistaść sietki mabilnaha internetu pavialičać na 30 %. Pra heta na STB zajaviŭ pieršy namieśnik ministra suviazi i infarmatyzacyi Pavieł Tkač. Heta dazvolić palepšyć chutkaść internetu.
«Dla hetaha my, na prykładzie z Rasijskaj Fiederacyjaj, vyzvalili častku dyjapazonaŭ častot ad ličbavaha telebačańnia, addali sotavym apierataram. Dzieści abstalavańnie śpieckarystalnikaŭ, jakija pracujuć, naprykład, z samalotami, taksama pieraviali ŭ inšyja dyjapazony častot.
My vyłučajem dadatkovyja častoty. Tak, heta peŭny čas, tak, nieabchodna pravodzić častotnaje płanavańnie z peŭnymi słužbami, jakija taksama ŭ blizkich dyjapazonach častot pracujuć», — patłumačyŭ čynoŭnik.
Na minuły hod było patrabavańnie da mabilnych apierataraŭ — zabiaśpiečyć pakryćcio tras kłasa M internetam naležnaj jakaści.
«Adzin z našych apierataraŭ, na žal, pa zaklučeńni Biełaruskaj dziaržaŭnaj inśpiekcyi pa elektrasuviazi, nie vykanaŭ hetyja patrabavańni. Materyjały byli pieradadzieny ŭ sud, heta ŭ nas pieršy precedent. Štraf byŭ pakul, napeŭna, dla bujnoha apieratara nievialiki, usiaho 100 bazavych vieličyniaŭ (4500 rubloŭ. — NN). Vyznačany termin dla likvidacyi pryčyn — da kanca biahučaha hoda», — raskazaŭ Pavieł Tkač.
Kali apieratar nie spravicca, budzie paŭtorny sud.
Ciapier čytajuć
Łukašenka: Ja na pieramovach z amierykancami i jeŭrapiejcami kažu: «Ja hatovy pieraharnuć staronku»18
Łukašenka: Ja na pieramovach z amierykancami i jeŭrapiejcami kažu: «Ja hatovy pieraharnuć staronku»
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha4040
Kamientary