U Pałatu pradstaŭnikoŭ nie puścili nivodnaha apazicyjaniera. Prahnoz «NN» spraŭdziŭsia na 96%
CVK apublikavała vyniki vybaraŭ u Pałatu pradstaŭnikoŭ. U novym parłamiencie nie budzie nivodnaha pradstaŭnika apazicyi.
Vyniki vybaraŭ praktyčna supali z našym prahnozam: «Naša Niva» ŭhadała 106 sa 110 novych deputataŭ.
Našy prahnazisty dapuścili čatyry pamyłki.
Na Mahiloŭskaj-Kastryčnickaj akruzie №86 my pavieryli ŭ infarmacyju ad miascovych apazicyjnych aktyvistaŭ, jakija paviedamili pra płanavanuju pieramohu dyrektara Vahonabudaŭničaha zavoda Vitala Martynava. Ale pieramahła ŭsio ž deputatka Volha Pietrašova.
Na susiedniaj Mahiloŭskaj-Centralnaj akruzie №85 pieramahła dyrektarka škoły Ludmiła Zdorykava, a nie dyrektarka Handlovaha kaledža Ludmiła Iljinskaja. Samaje kryŭdnaje, što mienavita Zdorykava była ŭ našym finalnym śpisie, ale redaktar «NN» nie zaŭvažyŭ hetu praŭku. Prykraja pamyłka.
Na Sienickaj akruzie №76 pramachnulisia ŭsie niezaležnyja ŚMI. «Jeŭraradyjo», «Naviny.baj» i «Biełsat» stavili na ciapierašniaha deputata Mikałaja Ułachoviča. «Naša Niva» ličyła, što jaho prakaciać i abiaruć dyrektara Minskaha abłasnoha handlovaha kaledža Vadzima Dordala. Ale tyja, chto źbiraŭ praŭładnuju kamandu, pierachitryli ŭsich. Novaja deputatka ad Sienicy — dyrektarka nie nadta pradstaŭničaha daškolnaha centra raźvićcia dziciaci «Kałasok» Ludmiła Padłužnaja.
Narešcie, niespadziavanka zdaryłasia ŭ Oršy. Tut na Aršanska-Dniaproŭskaj akruzie №26 niešta adbyłosia sa zdaroŭjem deputata Vitala Čudoviča. Jon zapeŭnivaje, što ciapier ź im usio narmalna. Ale tym časam na vybarach pieramoh (zdajecca, niečakana navat dla samoha siabie) dyrektar filijała «Biełarusbanka» Vital Vasiukoŭ.
Takim čynam, «Naša Niva» zrabiła ŭ prahnozie čatyry pamyłki, «Naviny.baj» i «Biełsat» — pa dzieviać pamyłak, «Jeŭraradyjo» — 13 pamyłak.
110 deputataŭ, jakija trapiać u parłamient, — praviercie śpis paśla vybaraŭ
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary