Anžalika Borys abrana staršynioj Sajuzu palakaŭ
Dziesiatki ludziej słuchali žyvuju tranślacyju źjezdu na vulicy, bo miesca ŭ zali chapiła nie ŭsim.
15 sakavika ŭ Hrodnie na VII źjeździe niepryznanaha ŭładami Sajuza palakaŭ na Biełarusi lideram abjadnańnia znoŭ abrana Anžalika Borys.
Dla ŭdziełu ŭ vybarach staršyni SPB byli vyłučany dźvie kandydatury — A.Borys i kiraŭnika Hrodzienskaj haradskoj arhanizacyi abjadnańnia Miečysłava Jaskieviča. Biuleteni 163 sa 165 delehataŭ źjezda, jakija ŭziali ŭdzieł u hałasavańni, byli pryznany sapraŭdnymi. Za Anžaliku Borys prahałasavali 148 delehataŭ, za M.Jaskieviča — 15.
Lider SPB vykazała padziaku delehatam źjezdu za davier i padtrymku na praciahu apošnich čatyroch hadoŭ i zajaviła, što praciahnie dziejnaść abjadnańnia pa nacyjanalna-kulturnym adradžeńni palakaŭ, a taksama budzie imknucca da lehalizacyi SPB.
Udzielniki źjezda abrali radu z 25 čałaviek i pryniali adozvu da kiraŭnika dziaržavy Alaksandra Łukašenki z prapanovaj naładzić dyjałoh pamiž abjadnańniem i dziaržaŭnymi strukturami, jaki, na ich dumku, pavinien sadziejničać aficyjnaj rehistracyi SPB.
U svaim vystupie lider Ruchu za Svabodu Alaksandr Milinkievič zaznačyŭ, što ŭ kancy 1980-ch — pačatku 1990-ch hadoŭ byli sproby pasvaryć palakaŭ ź biełarusami, adnak jany skončylisia biezvynikova, pakolki «niemahčyma pasvaryć blizkija narody, jakija na praciahu stahodździaŭ uzajemna abahačali kultury adzin adnaho».
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary