Ispanija — novaja Italija. 1036 zaražanych karanavirusam, 26 pamierłych
Vysokaja kolkaść pamierłych tłumačycca tym, što karanavirus trapiŭ u try damy sastarełych.
Prynamsi 1036 vypadkaŭ zaražeńnia novym karanavirusam było zafiksavana ŭ Ispanii z pačatku raspaŭsiudu infiekcyi ŭ krainie. Pra heta paviedamiŭ Centr kaardynacyi i nadzvyčajnych situacyj u halinie achovy zdaroŭja pry Ministerstvie achovy zdaroŭja karaleŭstva.
Pieršy vypadak zaražeńnia byŭ zafiksavany 31 studzienia, kolkaść chvorych stała rezka raści paśla vyjaŭleńnia łakalnaj uspyški ŭ Italii. Pa stanie na 9 sakavika prynamsi 26 čałaviek pamierli.
Bolš za ŭsio infikavanych zafiksavana ŭ aŭtanomnaj supolnaści Madryd. Kolkaść vypadkaŭ za sutki pavialičyłasia tam u dva razy i dasiahnuła 436. Pra heta paviedamiła ŭ paniadziełak hazieta El País.
U Krainie Baskaŭ 149 zachvarełych (6 pamierłych).
Virus raspaŭsiudziŭsia taksama ŭ Katałonii, na poŭdni Ispanii i na Kanarskich astravach.
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary