Pra heta raspavioŭ Alaksandr Łukašenka, prymajučy ŭ paniadziełak z dakładam staršyniu Savieta Respubliki Natallu Kačanavu, kiraŭnika Administracyi prezidenta Ihara Sierhiajenku i ministra achovy zdaroŭja Uładzimira Karanika. Siužet pakazała STB.
— Daktary i Ministerstva achovy zdaroŭja jašče raniej mnie z vopytu skazali i dałažyli pra toje, što na spadzie VRVI dajuć chvost pnieŭmanij. Heta značyć pnieŭmanii padčas padzieńnia VRVI zaŭsiody pavialičvalisia. Ja heta baču pa hrafiku, u tym liku ŭ hetym hodzie. Pnieŭmanii pavialičvalisia, ale, što pakazalna, apošnija try dni: voś ja pa Viciebsku biednaha hetaha Šarśniova kožnuju ranicu dapytvaju, jon užo, napeŭna, nie śpić načami, u jaho 3-4 dni tamu dadavałasia pnieŭmanij — 280 navat było za sutki. Zaraz u 2,5 razu źniziłasia. I ŭžo voś trecija sutki ŭ jaho trymajucca ŭnizie. I heta naša paŭnočnaja Viciebskaja vobłaść.
Łukašenka dadaŭ, što dobraja tendencyja nazirajecca i ŭ Minsku.
— Heta značyć źnižajecca voś hetych pnieŭmachvorych ludziej kožnyja sutki. Hety chvost, jak miedyki kažuć, jaho by chutčej adsiekčy nam, i ŭ nas heta jość źnižeńnie. Ale supakojvacca nielha (ja pra pnieŭmanii kažu). Bo bačycie, nadvorje jakoje staić — to choładna, to vietrana, to toje, to heta, dzieści padstyŭ, asabliva staryja: zastudzilisia, i moža adbycca ŭsplosk. Voś nam nielha dapuścić, — padkreśliŭ jon.
Raniej ministr Uładzimir Karanik zajaviŭ, što ŭ Viciebsku pa stanie na 11 krasavika špitalizavali kala 1000 čałaviek ź pnieŭmanijami. I što pikavaj kolkaściu ludziej ź pnieŭmanijami ŭ minułym hodzie było kala 600.
Pnieŭmanija — charakternaja prykmieta ŭskładnieńnia karanavirusnaj infiekcyi.
Da ŭčora Alaksandr Łukašenka i kiraŭniki miedsłužby publična admaŭlali najaŭnaść ekstremalna vysokaj kolkaści zachvorvańniaŭ na pnieŭmanii ŭ krainie. Ličba 280 dla Viciebščyny ŭ razy pieravyšaje zvyčajny dla hetaha siezonu ŭzrovień.
Ciapier čytajuć
Pamiatajecie ŭkrainku, jakuju rasijanie pryviazali da słupa? Tyja, chto jaje katavaŭ, za hady vajny amal usie zahinuli. A voś što robić ciapier jana2424
Kamientary