«Šancaŭ na pieramohu niama». Baćka Kanapackaj vykazaŭsia ab vyłučeńni dački ŭ prezidenty
Baćka Hanny Kanapackaj biznesmien Anatol Truchanovič ličyć, što vynik vybaraŭ vidavočny, i da rašeńnia dački vyłučacca ŭ prezidenty stavicca nieadnaznačna, piša Tut.by.
Anatol Truchanovič, jaki pryjšoŭ na pres-kanfierencyju Hanny Kanapackaj, dzie jana zajaviła, što idzie ŭ prezidenty, kab padtrymać dačku, pryznajecca, što nie čakaŭ ad jaje takoha śmiełaha kroku — pajści ŭ prezidenty paśla taho, jak jaje vyklučyli z honki na miesca adzinaha kandydata ad apazicyi.
— Skažu ščyra, mnie siońnia bolš padabajecca pazicyja Siarhieja Kalakina, i ŭ hetym vypadku, mnie zdajecca, narod by zrazumieŭ, heta b vitałasia (Kalakin nazvaŭ rašeńnie pravieści vybary 9 žniŭnia «biezadkaznym i złačynnym», jaho partyja «Spraviadlivy śviet» admoviłasia ad udziełu ŭ vybarach).
Ale ja prychilnik taho, što ŭ krainie treba niešta mianiać, što pavinny być novyja ludzi, novaje myśleńnie. Ja, jak kaliści dosyć paśpiachovy biznesmien, baču heta i razumieju.
Z nas užo navat śmiajucca, z našaj krainy, my niejkija asablivyja, z asablivym šlacham u nikudy.
Ale ŭsiakija imknieńni ŭdaskanalvacca, dziejničać — heta ŭ maim styli, biaździejnaść — heta nie toje. Choć treba razumna da ŭsiaho padychodzić. Tamu
ja, viadoma, błasłaŭlaju Hannu, ale razumieju, kolki ŭ nas ludziej adsiadzieła, źnikła… Ale ŭ dobry šlach, chaj pasprabuje, — skazaŭ Truchanovič.
Šancy dački na pieramohu ŭ vybarach Truchanovič aceńvaje ćviaroza — u siońniašniaj situacyi ich niama.
— Pry ciapierašniaj sistemie, kali vybaraŭ niama, kali pamočnik prezidenta pa biaśpiecy — heta jaho syn, kali niama demakratyi — jakija mohuć być vybary?
Vynik budzie adzin. Choć my prykładna viedajem patencyjał i abjom elektaratu kožnaha kandydata, — skazaŭ Truchanovič.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary