Apazicyja ŭklučyła ŭ svoj sankcyjny śpis užo 700-800 čałaviek, adkaznych za hvałt u krainie. Pra heta paviedamiła ŭ niadzielu ŭ efiry telekanała «Dožd́» Hanna Krasulina — pres-sakratar Śviatłany Cichanoŭskaj.
Pa słovach Krasulinaj, na sustrečach z pradstaŭnikami inšych krain Cichanoŭskaja zaŭsiody kaža pra toje, čaho apazicyja čakaje ad jeŭrapiejskich lidaraŭ i Jeŭrasajuza ŭ cełym. «My čakajem, što jany buduć bolš rašučyja ŭ tym, kab ahučvać svaju pazicyju, jakaja, jak my bačym, dastatkova kansalidavanaja. My bačym, što Jeŭrapiejski sajuz vyznačyŭsia z sankcyjami, jon ich uvioŭ. My raźličvajem, što sankcyjny śpis budzie vielmi surjozna raści», — padkreśliła jana.
«U nas u śpisie ŭžo prykładna 700-800 proźviščaŭ. Heta ŭsie tyja, chto ździajśniaŭ hvałt u dačynieńni da mirnych hramadzian, chto addavaŭ zahady ździajśniać hvałt, jany ŭsie pavinny buduć adkazać. U hety ž śpis traplajuć tyja, chto falšavaŭ vybary. Pavinny być pryniaty sankcyi, pašyrany surjoznym čynam», — skazała Krasulina.
-
Paźniak pra vyzvaleńnie palitviaźniaŭ: Jany kryčali: «dušyć sankcyjami». Toje, što my bačym — padrychtavali inšyja
-
«Kazyrami nie raskidvajucca. Baćka pierajhraŭ i źniščyŭ». Jak prapahanda patłumačyła vyzvaleńnie Cichanoŭskaha
-
Franak Viačorka pra Cichanoŭskaha i inšych vyzvalenych: Śpisy mianialisia ŭ samy apošni momant
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary