Łukašenka siońnia pravodzić naradu pa pytańniach źniešniaj palityki, piša BiełTA.
Jon adznačyŭ, što mižnarodnaja situacyja zastajecca niaprostaj i, pa jaho słovach, sprava nie tolki ŭ pandemii. Pastajanna ŭźnikajuć novyja vykliki i pahrozy, źviazanyja ŭ tym liku z ekanamičnaj biaśpiekaj. Biełaruś vymušanaja reahavać na ich.
«Znoŭ uspychnuła na prastory byłoha Savieckaha Sajuza. Na hety raz u Nahornym Karabachu. Haračy kanflikt pamiž našymi blizkimi partniorami — Armienijaj i Azierbajdžanam, jaki zaviaršyŭsia tam, — zaraz, z usiaho vidać, budzie razhortvacca ŭ dypłamatyčnaj płoskaści», — skazaŭ jon.
«Biełaruś zaŭsiody hatovaja da supracoŭnictva z tymi, chto vykonvaje pryncypy ŭzajemapavahi (prama skažu — z tymi, chto nas pavažaje), ščyraści i prystojnaści. Sumna, što niekatoryja našy tak zvanyja partniory raptam apynulisia nie hatovyja da pracy ŭ takich umovach», — skazaŭ Alaksandr Łukašenka.
Jon rastłumačyŭ, što havorka idzie pra niekatoryja zachodnija dziaržavy, ź jakimi Biełaruś u apošnija hady pastupova i nastojliva vybudoŭvała ŭzajemavyhadnyja kantakty, i asabliva pra najbližejšych susiedziaŭ — Polšču i Litvu.
«Na žal, zaniataja imi pazicyja ŭ dačynieńni da Biełarusi moža pierakreślić kali nie ŭsio, to mnohaje z dasiahnutaha», — zajaviŭ Łukašenka.
«Pry biesprecedentnym źniešnim cisku Biełarusi akazana šyrokaja padtrymka našymi tradycyjnymi sajuźnikami.
Najbolš adčuvalnuju dapamohu i padtrymku ŭ hety niaprosty čas my atrymali ad Rasii, Kitaja i inšych dziaržaŭ. Tym samym jašče raz pierakanalisia, što siabry paznajucca ŭ biadzie», — skazaŭ Łukašenka.
Łukašenka pacikaviŭsia, jak buduć dalej vybudoŭvacca adnosiny z Rasijaj i Kitajem, jak vykonvajucca damoŭlenaści pa vynikach kantaktaŭ na vyšejšym uzroŭni, a taksama paśla vizitaŭ sioleta ŭ Biełaruś kiraŭnictva rasijskich rehijonaŭ.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary