Deputat ad BNF Sadoŭski: Kali my prahałasavali za niezaležnaść, to pajšli da Kiebiča i vypili harełki
Ranicaj 9 śniežnia ad karanavirusa pamior pieršy premjer-ministr Biełarusi Viačasłaŭ Kiebič.
Svaimi ŭspaminami pra Kiebiča z «NN» padzialiŭsia deputat Viarchoŭnaha Savieta XII sklikańnia, pasoł Biełarusi ŭ Hiermanii (1992 — 1994) Piotra Sadoŭski.
«Kiebič žyŭ pa zakonach saviecka-haspadarčaj karparacyi i ŭ hetym byŭ paśladoŭny.
Kali my, naprykład, hladzim mastacki film i tam jość zabojca, złodziej, kryminalnik — i kali jon paśladoŭna žyvie pavodle etyki kryminalnikaŭ, to my padśviadoma pačynajem za jaho pieražyvać. Dapuścim, kali jon uciakaje i jaho łović milicyja.
Viačasłaŭ Francavič byŭ savieckim kamunistam i niebłahim haspadarnikam u miežach taho farmatu, tych ekanamičnych zakonaŭ i toj ułady, jakaja była źvierchu spuščana z Maskvy. Jon byŭ čałaviekam prahmatyčnym i chitravatym pa žyćci.
Naprykład, kali my hałasavali pra nadańnie statusu kanstytucyjnaha zakonu Dekłaracyi ab dziaržaŭnym suvierenitecie, Kiebič akazaŭsia bolš prahmatyčnym, čym Šuškievič. Šuškievič byŭ staršynioj Viarchoŭnaha savietu, ale dazvoliŭ sabie, źviarnuŭšysia da BNF, maŭlaŭ, što «jany tam za niejki absalutny suvierenitet», usprymaŭ heta jak žart. Jon ciapier nie lubić uspaminać heta, ale heta było.
Paśla hałasavańnia my zabiehli ŭ kabiniet da Kiebiča i vypili pa kilišku. Nie da Šuškieviča, a da Kiebiča. Ja pomniu, što tam było kolki deputataŭ, u tym liku ja i Iosif Siaredzič. Jon dastaŭ z chaładzilnika prostuju harełku, my vypili, i ja pajšoŭ na płošču, dzie zaśpiavaŭ na mašynie kupałaŭskuju «A ŭ bary, bary try darožańki».
Kali abahulnić, to Kiebič, jak ni dziŭna, vyklikaje ŭ mianie stanoŭčyja emocyi, bo jon byŭ celnym čałaviekam u svaim karparatyŭnym sumleńni. Chacia my stajali na roznych palityčnych pazicyjach».
-
Statkievič: U 1917 hodzie pryncyp «Vojna do pobiednoho kanca» ŭžo pryvioŭ Rasiju da nacyjanalnaj katastrofy
-
«Ludzi bačyli, što raźbirajuć nie dreva, a parachno». Katalicki aktyvist zastupiŭsia za navahrudskich manašak
-
Dulina — Kaleśnikavaj: Ratavać treba ŭvieś narod ad tyranii, a nie tolki palitviaźniaŭ
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było44
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było4
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary