Čempijon śvietu i Jeŭropy pa samba, załaty miedalist Jeŭrapiejskich hulniaŭ Ściapan Papoŭ raźmiaściŭ na svajoj staroncy ŭ Instagram fatahrafiju dakumienta ab svaim zvalnieńni z centra alimpijskaj padrychtoŭki «Stajki».
Voś jak jon prakamientavaŭ heta:
«Ciapier unikalny histaryčny čas u našaj krainie, kali chtości moža rezka prasunucca pa karjernaj leśvicy i atrymać pasadu, ab jakoj maryŭ. Chtości hublaje lubimuju pracu, jakoj pryśviaciŭ bolšuju častku svajho žyćcia.
Voś i mianie napatkaŭ los sumlennaha biełarusa, jaki nie maŭčyć! Jašče niekalki miesiacaŭ tamu dla čynoŭnikaŭ ź Ministerstva ja byŭ ledź nie ideałam spartsmiena. Mianie ŭdastoili honaru pranieści ahoń Jeŭrapiejskich hulniaŭ na hałoŭnaj scenie Minska… Roznyja ŭznaharody i mierapryjemstvy… Byli płany, jakija tyčacca raźvićcia sportu ŭ Biełarusi. Ale tak skłałasia, što paśla ŭsich hetych žudasnych padziej u našaj krainie mianie adrazu pasprabavali zrabić zdradnikam svajho vidu sportu i kamandy. A potym hetyja ž čynoŭniki palivali brudam u presie, sprabavali źniavažyć moj honar i hodnaść, presavali ŭ kabiniecie ŭłasnaj zały.
***
Ściapan Papoŭ nieadnarazova vykazvaŭsia suprać hvałtu z boku siłavych struktur i vystupaŭ za praviadzieńnie sumlennych vybaraŭ.
Čytajcie taksama: Čempijon śvietu pa samba Ściapan Papoŭ: Nie vieru, što Łukašenka navat hod pratrymajecca, ludzi nie mohuć ź im žyć
Ciapier čytajuć
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary