«Dla palityčnych stvaryli paralelnyja ŭmovy ŭtrymańnia». Daškieviču dali 20 sutak
Kala restarana «Pajedziem, pajadzim» 23 krasavika adbylisia zatrymańni. Siarod zatrymanych byŭ Źmicier Daškievič, jaki štopiatnicu z 2018 hoda dziažuryć kala Kurapataŭ.
Na sudzie Daškievič zajaviŭ, što dla palityčnych viaźniaŭ stvaryli paralelnyja ŭmovy: asobnyja padjomy, jakija adroźnivajucca ad astatnich viaźniaŭ, pravierki ŭnačy (2 razy za noč šychtujucca a 23 i a 3 nočy), adsutnaść matracaŭ, źniavažlivaje staŭleńnie i adsutnaść pieradač, piša jaho žonka Nasta Daškievič.
Pry tym dla «niepalityčnych» viaźniaŭ, piša jana, umovy inšyja. Daškievič nazvaŭ heta hienacydam, paraŭnaŭ z hieta. Aktyvist paprasiŭ pieranieści sud, bo kiepska siabie adčuvaje — nie śpić niekalki dzion narmalna. Sud admoviŭ.
Dalej Źmicier tradycyjna raskazaŭ pra sens varty i toje, što jon robić. Akcentavaŭ uvahu, što jon nijakim čynam nie spyniaje mašyny i nikomu ničoha nie naviazvaje. Kali jedzie mašyna, jon padymaŭ ruku z bukletam ab Kurapatach. Niechta spyniajecca i biare buklet, a niechta jedzie dalej.
Novy načalnik Minskaha RUUS Holikaŭ napisaŭ list staršyni suda Minskaha rajona z prośbaju pakarać Źmitra aryštam, bo jon ličyć, što «štrafy nieefektyŭnyja i takaja katehoryja hramadzian adčuvajuć siabie biespakaranymi».
Daškieviču prysudzili 20 sutak aryštu.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia13
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski77
Kamientary