U piatnicu, 21 maja, prajšło paviedamleńnie, što značnaja častka archiva Valeryja Capkały apynułasia ŭ rukach siłavikoŭ. Pra heta paviedamiŭ Illa Dabratvor, jaki pracavaŭ u kamandzie Capkały. Jak takoje stała mahčymym?
U kamientary «NN» Dabratvor patłumačyŭ, što 50 tysiač podpisaŭ byli kanfiskavanyja, kali siłaviki pryjšli aryštoŭvać namieśnika kiraŭnika štaba Capkały Śviatasłava Barbuka.
17 maja jamu i jahonaj žoncy Viery prysudzili pa 10 sutak aryštu.
«Heta byli podpisy, jakija my nie zdavali ŭ CVK z asnoŭnym pakietam, — havoryć Dabratvor.
— Praź niejki čas my ich adnieśli ŭ CVK, ale tam brać ich admovilisia, paraiŭšy spalić. Tym nie mienš štab Capkały pryniaŭ rašeńnie ich zachavać, a nie źniščać».
Taksama ŭ ruki siłavikoŭ trapili i niekatoryja asabistyja zapisy ŭdzielnikaŭ kamandy Capkały.
Śviatasłaŭ Barbuk — u minułym adzin z kiraŭnikoŭ minskaha BRSM. U štabie Capkały adkazvaŭ za padlik i pravierku podpisaŭ. Pracavaŭ u śfiery markietynhu.
Pavodle acenki kamandy Capkały, siarod kanfiskavanaha mahło być kala 3000 podpisaŭ čynoŭnikaŭ. Praŭładny telehram-kanał «Žoŭtyja źlivy» ŭžo paviedamiŭ, što z nahody atrymańnia hetaha archivu ź dziaržaŭnych ustanoŭ było zvolniena niekalki dziasiatkaŭ čałaviek. Praŭda, paćvierdžańnia hetamu niama.
Ciapier čytajuć
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara4
Kamientary