Kažan-rekardsmien dalacieŭ z Brytanii ŭ Rasiju. Ale na jaho šlachu sustrełasia koška
Maleńki kažan ustanaviŭ rekord mihracyi z Anhlii, pralacieŭšy bolš za 2000 km da Rasii — i tam zahinuŭ ad kipciuroŭ koški.
Dziakujučy hetamu trahičnamu zdareńniu rekardsmienku, ułasna, i vyjavili: samku pamieram ź vialiki palec i vahoj usiaho ŭ 8 hramaŭ, zranienuju koškaj, znajšła žycharka vioski Molhina pad Pskovam Śviatłana Łapina, piša Bi-bi-si.
Naturalisty advieźli kažanichu ŭ vieterynarnuju kliniku, ale tam padarožnica pamierła. Na jaje kryle vyjavili paznaku «Łondanski zaapark» i paviedamili ab znachodcy ŭ brytanski Fond achovy kažanoŭ.
Vyśvietliłasia, što hetaja žyviolina była złoŭlenaja i paznačanaja ŭ Łondanie ŭ 2016 hodzie naturalistam Brajanam Bryhsam.
Takim čynam, pa padlikach Fondu achovy kažanoŭ, hety kažan pieraadoleŭ 2018 km.
«Heta vydatnaje padarožža, samaje dalokaje padarožža z Brytanii pa Jeŭropie z tych, što nam viadomyja. Heta dziŭnaja navukovaja znachodka i čarhovaja detal u karcinie mihracyj kažanoŭ», — kaža kiraŭnik Fondu achovy kažanoŭ Liza Uorledž.
Zahinułaja kažanicha stała rekardsmienkaj pa mihracyi z Brytanii na kantynient, ale pieršaje miesca ŭ mihracyjach pa Jeŭropie naohuł naležyć inšamu kažanu: jaho akalcavali ŭ Łatvii, a zatym u 2019 hodzie znajšli ŭ Ispanii, na adlehłaści 2224 km.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary