Amierykanskija dypłamaty ŭ Hiermanii paskardzilisia na «havanski sindrom». Ci jość tut rasijski śled?
Heta pieršy vypadak u krainie NATA.
Dvoje dypłamataŭ ZŠA źviarnulisia pa miedycynskuju dapamohu ŭ Hiermanii.
Amierykanskija čynoŭniki skardziacca na prablemy sa zdaroŭjem, charakternyja dla «havanskaha sindromu». Siarod simptomaŭ młosnaść, hałaŭny bol i bol u vušach, stomlenaść, biessań. Simptomy pačali praŭlacca ŭ apošnija miesiacy, paviedamlaje The Wall Street Journal.
Amierykanskija dypłamaty zajavili, što anałahičnyja incydenty byli zarehistravanyja siarod čynoŭnikaŭ ZŠA, jakija pracujuć u inšych jeŭrapiejskich krainach, ale padrabiaznaści nie paviedamlajucca.
Niekatoryja chvoryja źjaŭlajucca supracoŭnikami raźviedki i dypłamatami, jakija pracujuć nad pytańniami, źviazanymi z Rasijaj. Siarod takich pytańniaŭ — ekspart hazu, kibierbiaśpieka i palityčnaje ŭmiašańnie.
«Havanski sindrom» upieršyniu prajaviŭsia ŭ 2016 hodzie siarod amierykanskich dypłamataŭ na Kubie i z taho času naziraŭsia ŭ Kitai, Rasii i Aŭstryi. Daktary nie zmahli vyjavić pachodžańnie simptomaŭ, ad jakich pakutavali słužbovyja asoby ZŠA. Śpiecsłužby ZŠA mierkavali, što za atakami na ich supracoŭnikaŭ mahli stajać rasijskija ŭłady, ale Maskva datyčnaść da hetych incydentaŭ kateharyčna abviarhaje.
Adzin amierykanski čynoŭnik, znajomy ź situacyjaj, zajaviŭ, što simptomy prajaŭlajucca ŭ achviar tady, kali jany pierasialajucca na novyja kvatery.
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»30
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary