Žurnalistku z Hłybokaha Taćcianu Smotkinu naviedaŭ namieśnik prakurora i nahadaŭ, što ŭ jaje raście syn
10 śniežnia da žurnalistki Taćciany Smotkinaj zavitaŭ namieśnik prakurora Hłybockaha rajona Jan Sasnoŭski. Meta vizitu — praviadzieńnie prafiłaktyčnaj hutarki z žurnalistkaj, paviedamlaje BAŽ.
Namieśnik prakurora raspavioŭ, za što i pavodle jakich artykułaŭ ciapier mohuć pryciahnuć da kryminalnaj adkaznaści. Paraiŭ aznajomicca na dziaržaŭnym sajcie sa śpisam ekstremisckich ŚMI i telehram-kanałaŭ, za raspaŭsiudžvańnie infarmacyi ź jakich moža pahražać kryminalnaja adkaznaść.
Paśla nahadaŭ, što ŭ Taćciany raście syn, ciapier jon u padletkavym uzroście, i tamu ź im taksama treba pravodzić hutarki roznaha kštałtu, u tym liku, jak pravilna siabie pavodzić u prastory internietu.
Pa vyniku Jan Sasnoŭski daŭ žurnalistcy padpisać papieru, što ź joj była praviedzienaja prafiłaktyčnaja hutarka.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary