«Vy całkam źniščyli viekavy mif pra tak zvanuju vielič Rasii». Try byłyja prezidenty Ukrainy źviarnulisia da ŭkraincaŭ śvietu
Try byłyja prezidenty Ukrainy Leanid Kraŭčuk, Leanid Kučma i Viktar Juščanka źviarnulisia da ŭsich ŭkraincaŭ śvietu sa słovami padtrymki. Pra heta ŭ Fejsbuku paviedamiła pres-sakratarka Leanida Kučmy Darka Alifier.
Kraŭčuk, Kučma i Juščanka pišuć u svaim zvarocie:
«Ukrainski narod, źviartajemsia da ŭsich ukraincaŭ śvietu.
Tych, chto z samaha pačatku ŭzbrojenaj ahresii Rasii sa zbrojaj u rukach bjecca za kožny naš horad, kožnuju viosku, kožnuju vulicu, kožny dom.
Tych, chto svajoj advahaj i luboŭju da Ukrainy zhurtavaŭ uvieś śviet vakoł našaj dziaržavy.
Tych, chto źbiraje dapamohu dla vojska.
Tych, chto hołymi rukami spyniaje rasijskija tanki i prymušaje akupantaŭ zdavacca ŭ pałon.
Za hetyja dni, poŭnyja hieraizmu i bolu, vy całkam źniščyli viekavy mif pra tak zvanuju vielič Rasii.
Usie razam my pieramožam. My vystaim.
Rasija zapłacić za svaje złačynstvy.
Słava Ukrainie! Hierojam słava!».
Ciapier čytajuć
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary