VVS ahučyła imia rasijskaha hienierała, jakoha pryznačyli hałoŭnym pa vajnie va Ukrainie
Rasija rearhanizavała kamandavańnie uvarvańniem va Ukrainu, ciapier za jaho adkazvaje hienierał Alaksandr Dvornikaŭ, «jaki maje vialiki dośvied pracy ŭ Siryi». Pra heta paviedamlaje BBC sa spasyłkaj na nienazvanaha zachodniaha čynoŭnika.
Pa danych krynicy BBC, pamiž rasijskimi padraździaleńniami va Ukrainie była drennaja kaardynacyja. Dvornikaŭ ciapier «adkazvaje za palapšeńnie kaardynacyi».
«U hetaha kankretnaha kamandzira vialiki dośvied rasijskich apieracyj u Siryi. Tamu my čakajem, što ahulnaje kamandavańnie i kiravańnie palepšycca», — pryvodzić BBC słovy čynoŭnika.
Taksama krynica vykazała zdahadku, što ciapier rasijskija ŭłady addajuć pryjarytet pieramovam, a nie vajennym dziejańniam, kab «damahčysia pośpiechu» da Dnia Pieramohi 9 traŭnia.
Dvornikaŭ ź vieraśnia 2015-ha pa červień 2016 hoda kamandavaŭ hrupoŭkaj rasijskich vojskaŭ u Siryi. U 2016 hodzie jaho pryznačyli kamandujučym vojskami Paŭdniovaj vajennaj akruhi.
Chto da jaho adkazvaŭ u Rasii za tak zvanuju «śpiecapieracyju», dakładna nie viadoma.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary