Što ciapier z čerhami na endapratezavańnie? Voś što adkazali ŭ Minzdaroŭja
U kancy sakavika stała viadoma pra zatrymańnie troch dziasiatkaŭ artapiedaŭ-traŭmatołahaŭ u roznych rehijonach krainy. Ci vyrastuć ciapier čerhi na apieracyi? Čytačka «Našaj Nivy» patelefanavała na haračuju liniju Minzdaroŭja, kab daviedacca pra heta.
«Apieracyi buduć pravodzicca ŭ płanavym paradku. Moža, heta zojmie bolš času.
Usio treba ŭzhadniać z ambułatornym uračom. Jon padkaža, varta stajać u čarzie ci nie.
Pa vašym pytańni ab mahčymych prablemach z pastaŭkami impartnych sustavaŭ — dapamoha budzie akazanaja ŭ poŭnym abjomie, kali niama adnaho, to znojduć inšaje. Nie moža być takoha, kab ničoha nie było», — adkazali na haračaj linii.
Zatrymańni traŭmatołahaŭ praciahvalisia ŭ krasaviku. Niadaŭna, pa infarmacyi «Našaj Nivy», u SIZA adpravilisia jašče šeść čałaviek. Siarod ich dva zahadčyki adździaleńniaŭ 6-j HKB, dvoje supracoŭnikaŭ RNPC artapiedyi i traŭmatałohii, zahadčyk kafiedry BiełMAPA i adzin urač 11-j HKB.
Heta Žychar Mikałaj Arsienievič, Danilenka Aleh Anatolevič, Pierasada Andrej Siarhiejevič, Skakun Pavał Ryhoravič, Kieźla Aleh Piatrovič, Tałako Jaŭhien Lavoncievič.
Infarmacyju pra zatrymańnie 35 traŭmatołahaŭ paviedamiŭ i łukašenkaŭski puł.
Śpiecyjalisty miarkujuć, što pryčyna zatrymańniaŭ moža być źviazanaja ź isnujučaj u Biełarusi sistemaj miedycynskaha pratezavańnia.
«Sprava traŭmatołahaŭ»: ludziej nie vypuskajuć praz 10 sutak, stali viadomyja detali abvinavačvańnia
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary