«Nu čamu z chvorych?» Čynoŭnik apraŭdvajecca za kiłbasu z zubroŭ
Błohier Andrej Pavuk pazvaniŭ namieśniku ministra pryrodnych resursaŭ i achovy navakolnaha asiarodździa Alaksandru Harošku. Spytaŭ, ci narmalna heta — vypuskać kiłbasu z zubroŭ i «nadavać pa mardasach» Čarnobylu.
Niezvyčajny pradukt, nahadajem, zaŭvažyli ŭ minskaj kramie. Vypuskaje dalikates (sierviłat i pastramu) Hrodzienski miasakambinat.
— Niadaŭna navina była pra toje, što kiłbasu z zubroŭ robiać. A tak možna? — pytajecca Pavuk.
— Pakul što nie vałodajem situacyjaj. Nie viedajem, — spačatku pasprabavaŭ saskočyć z temy čynoŭnik. Ale paśla staŭ apraŭdvać vytvorčaść: — Nu kali vypuščana aficyjna zavodam, značyć možna. Kali zubry na zakonnych padstavach byli vyniaty. Čamu nielha?
— Dyk jon ža čyrvonaknižny.
— Čyrvonaknižny, tak. Ale ŭ nas jość zakanadaŭstva, jakoje rehuluje kolkaść i pa zubry. Kali zubr pryznajecca chvorym, jašče niejkija paramietry, tady jaho treba vyklučyć.
— Kiłbasa z chvorych zubroŭ…
— Nu čamu chvorych? Jon moža paškodzić niedzie nahu… U lubym vypadku jaho čakaje ŭ dalejšym ci hibiel, ci što, tamu jon zabirajecca z pryrodnaha asiarodździa i idzie na pierapracoŭku.
Paśla błohier paprasiŭ čynoŭnika prakamientavać zajavu Łukašenki pra avaryju na ČAES. «Nie budu kazać, što my pieramahli Čarnobyl, ale pa mardasach jamu nadavali mocna», — kazaŭ niadaŭna Łukašenka.
— Jakim čynam Čarnobylu «nadavali pa mardasach»? Jak razumieć heta? — pacikaviŭsia błohier.
— Ja nie mahu prakamientavać.
— Z Čarnobylem treba lhoty žycharam pavialičvać.
— Na siońnia jość prahramy, jakija pracujuć i niepasredna nakiravany na palapšeńnie žyćcia nasielnictva, jakoje pražyvaje na zabrudžanaj terytoryi, — tolki i znajšoŭ, što adkazać namieśnik ministra.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ94
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary