«Zornuju noč» van Hoha ciapier možna sabrać z Lego. Spatrebicca bolš za 2 tysiačy detalaŭ
Kali ŭ 1941 hodzie Ńju-Jorkski muziej sučasnaha mastactva nabyŭ «Zornuju noč» Vinsenta van Hoha, hetaja karcina była małaviadomaj. Ale ž za apošnija 80 hadoŭ usio pieramianiłasia, i hety šedeŭr ciapier možna bačyć na čym zaŭhodna — ad šalikaŭ da parasonaŭ i butelek dla vady.
Kanstruktar LEGO nie staŭ vyklučeńniem. Nabor z kałasalnaj kolkaściu detalaŭ (2316) stvaryŭ Truman Čenh, aśpirant z Hankonha, košt novaj «cacki» — 170 dalaraŭ, piša CNN.
Čenh prapanavaŭ kancepcyju novaha kanstruktara praz płatformu LEGO Ideas, dzie fanaty LEGO raźmiaščajuć svaje idei nakont novych naboraŭ, a kampanija praz hałasavańnie vybiraje najlepšyja i realizuje ich.
Van Hoha na stvareńnie «Zornaj nočy» natchniŭ vid ź jaho vakna ŭ psichijatryčnaj klinicy manastyra Sen-Pol-de-Mazol, dzie mastak pravioŭ hod niezadoŭha da svajoj śmierci. Čenh ža natchniŭsia, kali hulaŭ u LEGO i zaŭvažyŭ, što kali raźmiaščaje detali ŭ svaich pabudovach na vypadkovaj adlehłaści adna ad adnoj, atrymoŭvajecca styl, padobny da charakternych mazkoŭ farbaj, jakija adroźnivajuć tvory van Hoha.
U zajavie, apublikavanaj na aficyjnym sajcie LEGO, Čenh tak apisvaje svaje ŭražańni ad pracy: «Prydumlać chitraści i pryjomy, kab pieradać vyhlad karciny-aryhinała, było dobraj treniroŭkaj dla mozha». U svaju čarhu, Fiederyka Biehier, kiraŭnik mižnarodnaha markietynhu ŭ LEGO, charaktaryzuje pracu Čenha tak: «Dyzajn Trumana sam pa sabie byŭ šedeŭram — jon pakazaŭ, jak šmat roznych elemientaŭ LEGO i technik možna vykarystać, kab paŭtaryć znakavuju karcinu van Hoha».
Nabor pastupić u šyroki prodaž na pačatku červienia.
Lego raspracavała drukarskuju mašynku z 2 tysiač detalaŭ. Tam navat ruchajucca kłavišy
-
«Heta nie majo, heta siabra». Biełarus zdymaje reakcyju achoŭnikaŭ mietro na fałaimitatary ŭ zaplečniku — videa źbirajuć miljony prahladaŭ
-
Siem typaŭ «pjanaj asoby»: kim vy stanoviciesia pad uździejańniem ałkaholu i što heta aznačaje?
-
U San-Francyska žyvie kot, jakoha zavuć Biełaruś. Prytym haspadynia jaho — zvyčajnaja amierykanka
Kamientary