Staŭ viadomy los lehiendarnaj «łuski» z kramy «Akijan». I heta dobryja naviny
Muziej historyi horada Minska staŭ novym uładalnikam toj samaj lehiendarnaj «łuski» z kramy «Akijan». U čaćvier 16 červienia supracoŭniki muzieja zabrali paneli ŭ raniejšaha ŭładalnika. Ciapier ich buduć čyścić i restaŭravać, a potym «łuska» stanie adnym z ekspanataŭ muzieja, piša Sitydog.
Što za «łuska»?
Taja samaja «łuska» — heta słavutyja dekaratyŭnyja paneli, jakija na praciahu mnohich hadoŭ upryhožvali ścieny viadomaj kramy «Akijan» (pracuje z 1975 hoda na vulicy Kazłova, 2 u Minsku). Heta pieršaja krama ŭ horadzie, jakaja śpiecyjalizavałasia na prodažy vyrabaŭ z ryby. Upryhožvańnie kramy — znakamityja sierabrystyja ścieny, što imitavali rybnuju łusku.
Paneli ŭ vyhladzie rybnaj łuski zakazvali ŭ FRH. Dla mantažu ŭ kramu navat pryjazdžali niamieckija śpiecyjalisty.
U lipieni 2021 hoda papularny mahazin «Akijan» staŭ čarhovym «Vitaluram». Kala 60 kvadratnych mietraŭ «łuski» zachavali, a astatniuju abiacali pieradać u muziej historyi Minska».
Praces pieradačy byŭ niaprostym. Ale supracoŭniki «Vitalura» dapamahli muzieju z łahistykaj i transparciroŭkaj panelaŭ.
Stanuć častkaj ekspazicyi
Ciapier nad imi buduć pracavać restaŭratary, bo bolšaja častka panelaŭ mocna defarmavanaja i zabrudžanaja.
Učora ŭ muziei ŭžo paśpieli ačyścić niekalki plitak — pahladzicie, jakija jany pryhožyja!
Chutčej za ŭsio, «łuska» stanie častkaj paŭnavartasnaj instalacyi ŭ ekspazicyi muzieja «Vobrazy savieckaha Minska». Supracoŭniki ŭstanovy spadziajucca, što na ekspazicyi paneli źjaviacca ŭžo ŭ nastupnym hodzie.
-
Biełarus z prablemami ź psichikaj staŭ u Rasii naminalnym dyrektaram. A jak sprava nakryłasia, zabrali na front — u adzin kaniec
-
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
-
«Kibierpartyzany» i hrupa Silent Crow zajavili pra ŭzłom Rasstata i atrymańnie danych pra vajennyja straty
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary