«Vydychajem i idziom na plaž». Fiejhin patłumačyŭ, čamu Maskva nie vinavacić Ukrainu va ŭdary pa avijabazie ŭ Krymie
Krym u vačach rasijan staŭ simvałam paśpiachovaha i biespakaranaha pucinskaha kiravańnia. Viadomy rasijski juryst i błohier Mark Fiejhin patłumačyŭ, čamu kramloŭskaja prapahanda robić vyhlad, što ničoha nie zdaryłasia.
Mark Fiejhin miarkuje, što heta byli rakietnyja ŭdary. Choć USU nie paviedamlali pra toje, što ŭ ich na ŭzbrajeńni jość zbroja takoj dalokaści dziejańnia. «Tamu tut zastajecca intryha. Ale składana sabie ŭjavić, što niechta, akramia ŭkrainskaha boku, moh abstralać vajskovy aeradrom», — kaža Fiejhin.
Taki ŭdar nielha nanieści bieśpiłotnym latajučym abjektam, miarkuje jon.
«Značyć, takaja zbroja źjaviłasia va ŭkrainskaha boku. Značyć, ništo nie znachodzicca ŭ biaśpiecy — ni Krymski most, ni port Sievastopala z karablami», — kaža jon.
Fiejhin upeŭnieny, što Ukraina nie voźmie na siabie adkaznaść za hetyja ŭdary: «Navošta joj heta — vašy prablemy, «palić» mienš treba».
Minabarony Rasii taksama nie pryznała, što Ukraina naniesła ŭdary. Tam zajavili, što pažar na avijabazie «Saki» ŭźnik z pryčyny detanacyi niejkich avijacyjnych snaradaŭ. Paźniej krynica vajskovaha viedamstva RF zajaviła ab parušeńni patrabavańniaŭ pažarnaj biaśpieki na aeradromie pablizu Navafiodaraŭki.
«Što b ni rabili USU, Maskva budzie rabić vyhlad, što heta nie jany. Tamu što heta dadaje prestyžu USU. USU takoje mohuć. Ich ža takaja ideja, što Ukraina naohuł nie ŭmieje vajavać, zdajucca tysiačami, jakuju im zbroju — jany joj karystacca nie ŭmiejuć. Navošta vy im dajacie zbroju, nieviadoma, kudy jany jaje pradaduć ci kudy strelać.
A tut atrymlivajecca, što nichto nie ŭ biaśpiecy. A kali sapraŭdy pa štab-kvatery FSB ci VMF udarać? I heta pačućcio paniki, jakoje moža źjavicca i ŭ asiarodździ vajskoŭcaŭ, i siarod nasielnictva. A z hetym zmahajucca. Jany naadvarot sprabujuć danieści, što mocnyja jak nikoli».
Maskva baicca pałochać nasielnictva tym, što va Ukrainie jość takaja zbroja, i Ukraina hatovaja bić. «Nasielnictvu ž raspaviadali, što heta śpiecapieracyja, što heta kahości zabivajuć, a nie nas».
U dokaz hetaha pryvodzicca reakcyja prapahandy. «Vydychajem i idziom na plaž», — napisała Simańjan.
Tamu Maskva taksama budzie paźbiahać aŭtaryzacyi takoha rodu ŭdaraŭ z boku Ukrainy.
«Jany buduć admaŭlać navat, kali USU buduć bambić Krymski most. Admaŭlać heta buduć da taho momantu, pakul admaŭlać heta budzie całkam niemahčyma. Kali heta ŭžo pojdzie na škodu ich reputacyi, kali narod pačnie kazać, my na heta nie padpisvalisia.
Tamu što zabivać inšych jany hatovyja, ale sami pamirać — nie», — kaža jon.
«Krym dla Pucina — sakralny punkt, i jaho buduć abierahać i infarmacyjna, i vajennym šlacham».
Ci značyć heta, što adkazu z rasijskaha boku nie budzie?
«Nie, jany ŭdarać, i adčuvalna ŭdarać. Ale ŭ apošni raz my bačyli hetyja ŭdary pa cyvilnym nasielnictvie, heta zabojstva ludziej. Hetaha vyklučać nielha. Moža, udarać pa Adesie», — miarkuje Fiejhin.
USU raskazali, jakaja technika była źniščanaja na aeradromie ŭ Krymie
The New York Times: Pa avijabazie ŭ Krymie ŭkraincy ŭdaryli zbrojaj ułasnaj vytvorčaści
Ciapier čytajuć
Źnikły Kotaŭ vyjechaŭ z Turcyi moram — mahčyma, u bok Rasii17
Kamientary