Finskaja OLVI paviedamlaje pra płany pradać «Lidskaje piva» na praciahu hoda
Chołdynh OLVI ź Finlandyi, jakomu naležyć 96,36% akcyj «Lidskaha piva», płanuje pradać hety aktyŭ ciaham 12 miesiacaŭ. Pra heta havorycca ŭ spravazdačy finskaha chołdynhu za pieršaje paŭhodździe 2022 hoda.
Dla adčužeńnia patrabujecca dazvoł uładaŭ i antymanapolnaha orhana, što źjaŭlajecca dvuma asobnymi pracesami. Adznačajecca, što ŭ biełaruskich uładaŭ jość pieravažnaje prava pry nabyćci kampanii. Kampanija dadała, što ŭ červieni Minsk abviaściŭ pra dadatkovyja abmiežavańni na prodaž kampanij dla akcyjanieraŭ z krain, jakija ŭvodzili sankcyi.
«Niahledziačy na novyja abmiežavańni, kiraŭnictva kampanii ličyć, hruntujučysia na najaŭnaj ciapier infarmacyi i pieramovach, praviedzienych ź miascovymi ŭładami, što mahčyma ažyćciavić adčužeńnie ŭ adpaviednaści z raniej vyznačanym 12-miesiačnym pieryjadam», — havorycca ŭ spravazdačy.
Rašeńnie pradać «Lidskaje piva» i spynić dziejnaść u Biełarusi rada dyrektaraŭ OLVI pryniała jašče 5 sakavika, tady ž chołdynh spyniŭ značnuju častku ekspartu ŭ Rasiju.
Sankcyi suprać Biełarusi ŭviali praź jaje pazicyju pa vajnie va Ukrainie.
Ciapier čytajuć
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8282
Kamientary