U Rečycy kanflikt padčas pajezdki ŭ taksi skončyŭsia śmierciu kiroŭcy. U redakcyju vydańnia «Rečyca Prime» ź niekalkich krynic pastupiła infarmacyja pra zdareńnie, jakoje adbyłosia 22 žniŭnia prykładna a 1-j hadzinie nočy.
Vydańniu ŭdałosia vyśvietlić niekatoryja padrabiaznaści zdareńnia.
Pavodle jaho krynic, kala hadziny nočy z 21 na 22 žniŭnia kiroŭca słužby taksi 7171 na aŭtamabili KIA vioz niećviarozuju kampaniju ŭ pryharad. Pasažyry nibyta zachacieli vypić piva ŭ sałonie aŭto, ale kiroŭca im hetaha nie dazvalaŭ. Padčas kanfliktu, jaki ŭźnik na hetaj hlebie, kiroŭcu ablili pivam i źbili.
Znajšli taksista z mocnymi traŭmami hałavy, u balnicu jon pastupiŭ u vielmi ciažkim stanie. A 24 žniŭnia, jak stała viadoma, što mužčyna ad atrymanych traŭm pamior.
Paźniej načalnik Rečyckaha rajonnaha adździeła Śledčaha kamiteta Dzianis Kuzianiok raskazaŭ rajonnaj haziecie «Dniaproviec» padrabiaznaści incydentu. Kiroŭcu, pa jaho słovach, było 52 hady, a zatrymanamu pa hetaj spravie žycharu Rečyckaha rajona — 23. Kanflikt uźnik adrazu paśla pasadki pasažyraŭ, praciahnuŭsia ŭžo na vulicy.
U vyniku jaho kiroŭca atrymaŭ pierałom zvodu čerapa i ŭdar hałaŭnoha mozha.
Zatrymany padazravany raniej byŭ sudzimy, u tym liku i za pryčynieńnie cialesnych paškodžańniaŭ padčas chulihanskich dziejańniaŭ. U taksi, akramia jaho, byli jašče dźvie pasažyrki.
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»5
Kamientary