«Chabar — 6500 dalaraŭ». Stali viadomyja padrabiaznaści zatrymańnia kiraŭnika baranavickaj ptuškafabryki «Družba»
28 žniŭnia na STB vyjšaŭ siužet pra karupcyju ŭ sielskaj haspadarcy, dzie raspaviali i ab pradpryjemstvie ŭ Baranavickim rajonie. Miesiac tamu, 29 lipienia, byŭ zatrymany siłavikami Vasil Markievič, hiendyrektar ptuškafabryki «Družba».
Jaho zatrymlivali ŭ bałakłavach, prosta ŭ kabiniecie nadzieŭšy kajdanki.
U siužecie STB paviedamlajecca, što z pačatku žniŭnia adzin z kiraŭnikoŭ ptuškafabryki staŭ fihurantam kryminalnaj spravy. Proźvišča jaho nie nazyvajecca.
«Jak užo vyśvietlić śledstva, za łabiravańnie intaresaŭ pryvatnaj kampanii pry zaklučeńni dahavoraŭ jon atrymaŭ chabar u pamiery 6500 dalaraŭ ZŠA. Ciapier milicyja pravodzić pravierku jaho datyčnaści da ździajśnieńnia inšych karupcyjnych złačynstvaŭ. Sankcyjaj namieśnika hienieralnaha prakurora jon źmieščany pad vartu», — havaryłasia ŭ siužecie.
Kamientary