Chab «Novaja Ziamla» ŭ Biełastoku — heta adkrytaja placoŭka dla raznastajnych kulturnickich i adukacyjnych inicyjatyŭ, jakaja prezientuje siabie jak prastoru volnych biełarusaŭ. 30 vieraśnia chab «Novaja Ziamla» byŭ zarehistravany jak niedziaržaŭnaja arhanizacyja ŭ Polščy, a aktyvistam udałosia znajści dla jaho vialikaje pamiaškańnie, piša Radyjo Racyja.
Nadzieja Sałaŭjova, adna ź inicyjatarak źjaŭleńnia biełaruskaha chaba ŭ Biełastoku, havoryć pra jaho:
«Heta prastora volnych biełarusaŭ, dzie kožnaja arhanizacyja, inicyjatyva, aktyvist moža pryjści i zładzić svaju ideju ci prajekt. Kali niama idei ci prajekta, ale jość zaduma, to my možam dapamahčy davieści jaje da ładu. Heta takoje miesca dla pryciahnieńnia biełarusaŭ, dla zachavańnia biełaruskaj identyčnaści, kultury. Dzie my možam niešta rabić i pracavać na karyść budučaj demakratyčnaj Baćkaŭščyny».
Hościem adkryćcia prastory byŭ siarod inšych prafiesar Aleh Łatyšonak, jaki raspavioŭ pra svajo razumieńnie nazvy biełaruskaha chaba «Novaja Ziamla»:
«Ja heta razumieju tak, što biełarusy, jakija siudy pryjechali, znajšli novuju ziamlu. Novaja ziamla pa-kołasaŭsku — heta taksama svaja ziamla. Viadoma, što bolšaść, što straciła svaju ziamlu — simvalična jana ŭ Biełarusi. Ale dumaju što znajšli tut novuju, i što heta budzie ichniaja ziamla. Taksama spadziajusia, što novyja biełarusy znojduć tut svajo miesca. Jany — naša nadzieja».
Na adkryćci biełaruskaha chaba vystupili muzyki Kaciaryna Vadanosava, jakoj dapamahała dačka Stefa, a taksama Ihar Pałynski.
Chab «Novaja Ziamla» anansavaŭ stvareńnie internet-staronki, dzie budzie raźmieščany kalandar padziej, a ciapier za dziejnaściu prastory možna sačyć praz sacyjalnyja sietki.
Raźmieščany chab kala biełastockaha aŭtavakzała pa vulicy Wyszyńskiego 6A, i pakul što budzie adkryty tolki padčas mierapryjemstvaŭ.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary