Kampaniju Donalda Trampa pryznali vinavataj u machlarstvie z padatkami
Sud u Ńju-Jorku pryznaŭ kampaniju Trump Organization, jakaja naležyć siamji byłoha prezidenta ZŠA Donalda Trampa, vinavataj u machlarstvie z padatkami. Padčas pracesu ni Tramp, ni jaho svajaki nie byli abvinavačanymi, adnak hetaja firma kiruje ich nieruchomaściu, u tym liku haścinicami, holf-kłubami i inšymi abjektami pa ŭsim śviecie, piša «Bi-bi-si».
Paśla dvuchdzionnych razvažańniaŭ prysiažnyja zajavili, što Trump Organization vinavataja va ŭsich 17 abvinavačvańniach, jakija pradjavili joj prakurory. Sud ustanaviŭ, što supracoŭniki kampanii Trampa na praciahu bolš za 10 hadoŭ nie dekłaravali niekatoryja dachody, u vyniku čaho niedapłacili značnuju kolkaść padatkaŭ.
Hałoŭnym abvinavačanym pa spravie staŭ były finansavy dyrektar Trump Organization Ałan Vajsielbierh, jaki pryznaŭ siabie vinavatym i daŭ pakazańni suprać firmy.
75-hadovy Vajsielbierh pajšoŭ na ŭhodu sa śledstvam, pa ŭmovach jakoj jon praviadzie ŭ turmie nie bolš za 5 miesiacaŭ. Jon taksama pavinien viarnuć bolš za 1,7 młn dalaraŭ niezadekłaravanych dachodaŭ.
U prysudzie, u pryvatnaści, skazana, što Vajsielbierh atrymlivaŭ ad kampanii niezadekłaravanyja darahija aŭtamabili, meblu i hrošy dla adpačynku. Firma taksama vučyła jaho ŭnuka ŭ pryvatnaj škole.
«Na praciahu 13 hadoŭ Trump Corporation i Trump Payroll Corporation [firma, jakaja adkazvała za vypłatu zarpłaty ŭ Trump Corporation] biespakarana realizoŭvali schiemu, dziakujučy jakoj vysokapastaŭlenyja mieniedžary atrymlivali ščodryja dadatkovyja lhoty i vypłaty, naŭmysna chavalisia ad padatkovych orhanaŭ», — skazaŭ prakuror Manchetena Ełvin Brah.
Prysud pa spravie vyniesuć 13 studzienia, adnak čakajecca, što kampanija Trampa budzie aštrafavanaja na 1,6 młn dalaraŭ, Tramp kaža pra «palavańnie na viedźmaŭ».
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś3
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Kamientary