U spravie aktyvistaŭ niezaležnych prafsajuzaŭ abvieščany pierapynak da 12 śniežnia
U sudzie nad aktyvistami biełaruskich niezaležnych prafsajuzaŭ — palitviaźniami Hienadziem Fiadyničam, Vasilom Bieraśnievym i Vacłavam Areškam abvieščany pierapynak da paniadziełka, 12 śniežnia, piša «Viasna».
U Minskim haradskim sudzie 6 śniežnia praciahvaŭsia razhlad kryminalnaj spravy troch prafsajuznych aktyvistaŭ. Ich abvinavačvajuć u zaklikach da mier abmiežavalnaha charaktaru, nakiravanych na pryčynieńnie škody nacyjanalnaj biaśpiecy Respubliki Biełaruś (č. 3 art. 361 Kryminalnaha kodeksa), raspalvańni inšaj sacyjalnaj varožaści (č. 3 art. 130), stvareńni ekstremisckaha farmiravańnia albo ŭdziele ŭ im (č. 1 i č. 3 art. 361-1 Kryminalnaha kodeksa).
Spravu razhladaje sudździa Anastasija Papko, dziaržabvinavaŭca — prakuror Raman Biziuk.
Sudovy praces prachodzić u zakrytym režymie. Na pasiadžeńni 6 śniežnia, paśla ahałošvańnia abvinavačańnia, vyvučalisia piśmovyja materyjały spravy.
Tym časam pryznačanaja data suda nad jašče tryma aktyvistami niezaležnych prafsajuzaŭ. Alaksandra Jarašuka, Siarhieja Antusieviča i Irynu But-Husaim pačnuć sudzić u Minskim haradskim sudzie 20 śniežnia. Ich abvinavačvajuć u arhanizacyi i padrychtoŭcy dziejańniaŭ, jakija hruba parušajuć hramadski paradak, albo aktyŭnym udziele ŭ ich (č. 1 art. 342 Kryminalnaha kodeksa) i zaklikach da mier abmiežavalnaha charaktaru, nakiravanych na pryčynieńnie škody nacyjanalnaj biaśpiecy Respubliki Biełaruś (č. 3 art. 361 Kryminalnaha kodeksa).
-
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»
-
U prodažy źjaviłasia pašyranaje anhłamoŭnaje vydańnie knihi Alesia Bialackaha
-
«Chto praź viosku jedzie — spyniajecca, fatahrafuje». Biełaruska raskazała pra historyju viekavoha dreva na svajoj siadzibie
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»7
Kamientary