Futbalist, jaki zapisaŭ videa suprać hvałtu ŭ 2020 hodzie, daŭ «pakajannaje intervju»
U 2020 hodzie Anatol Makaraŭ źniaŭsia ŭ videa suprać hvałtu. A ŭ 2023 hodzie paŭabaronca «Tarpieda-BiełAZ» daŭ «pakajannaje» intervju «Minskaj praŭdzie».
«Mnie skazali pramović na kamieru paru słoŭ, i ja pahadziŭsia, — zhadvaje jon padziei 2020 hoda.
«U toj čas ja hulaŭ za inšy kłub, byŭ zasiarodžany na sporcie i nie asabliva cikaviŭsia palitykaj, nie razumieŭ da kanca tuju situacyju, jakaja skłałasia ŭ našaj krainie ŭ dvaccatym hodzie. Mierkavańnie pra toje, što ŭ nas usio drenna ŭ krainie i pra heta treba kazać, nastojliva naviazvali destruktyŭnyja kanały i starejšyja tavaryšy pa kamandzie, — dzielicca futbalist. — Ja pamyłkova ličyŭ, što jany razumniejšyja, mudrejšyja, vałodajuć abjektyŭnaj infarmacyjaj. Na toj momant ja nie zadavaŭsia pytańniami: adkul jany biaruć hetuju infarmacyju, dla čaho jana. Chłopcy byli ŭpeŭnienyja ŭ nieabchodnaści videa, i ja pahadziŭsia. Jak usie, tak i ja».
Futbalist kaža, što vielmi škaduje ab tym vypadku, kaža, što staŭ pieškaj u infarmacyjnaj vajnie.
«U Biełarusi śfiera sportu finansujecca bolš čym dastatkova. U nas hodnyja zarobki, dobryja ŭmovy treniroŭki, zabieśpiačeńnie. Dobraja dapamoha, kab zajmacca lubimaj spravaj i mieć mahčymaść zarabić. Za heta ja ŭdziačny našamu kiraŭnictvu i Ministerstvu sportu i turyzmu», — reziumuje jon.
Vydańnie padkreślivaje, što siońnia ŭ Anatola ŭ płanach stvaryć siamju, pabudavać dom i pradstaŭlać svaju kamandu nie tolki na nacyjanalnym pieršynstvie, ale i krainu na mižnarodnaj arenie.
Raniej paviedamlałasia, što Minsporta moža zabaranić pracavać u Biełarusi 49 futbalistam. Bolšaść futbalistaŭ źnialisia ŭ videa z zaklikam spynić hvałt siłavikoŭ suprać pratestoŭcaŭ. Adnym z tych, chto źniaŭsia, byŭ Anatol Makaraŭ.
Ciapier čytajuć
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci3
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary
https://dck8xvlq18iei.cloudfront.net/307501
A nie hrabić nasielnictva i nie pradaje krainu pucienu zahaniaja jaje ŭ daŭhi