«Nieśli płakat i pałotnišča bieł-čyrvona-biełaha koleru, błakavali šlach transpartu» — jašče adzin prysud pa «narodnym» artykule
Sud Frunzienskaha rajona Minska asudziŭ adrazu troch žycharoŭ stalicy za arhanizacyju i padrychtoŭku dziejańniaŭ, jakija hruba parušajuć hramadski paradak, albo za aktyŭny ŭdzieł u ich (č. 1 art. 342 Kryminalnaha kodeksa). Heta biznes-analityk Ivan Zyskunoŭ, śpiecyjalist pa markietynhu Alina Aŭdzijenka i časova biespracoŭny Andrej Kacibnikaŭ, piša «Viasna».
Spravu razhladała sudździa Natalla Buhuk.
Minčuki brali ŭdzieł u niadzielnaj akcyi pratestu ŭ Minsku ŭ 2020 hodzie. Pa materyjałach śledstva, Zyskunoŭ, Aŭdzijenka i Kacibnikaŭ, «dziejničajučy sumiesna i ŭzhodniena hrupaj asob, adno z adnym i ź inšymi nieŭstanoŭlenymi asobami, brali aktyŭny ŭdzieł u hrupavych dziejańniach, hruba parušali hramadski paradak, nie padparadkoŭvalisia zakonnym patrabavańniam pradstaŭnikoŭ ułady — supracoŭnikaŭ UUS, a taksama parušali pracu transpartu i pradpryjemstvaŭ».
Pry hetym vykarystoŭvali ŭ jakaści pratesnaj simvoliki płakat i pałotnišča bieł-čyrvona-biełaha koleru, błakavali i zastupali šlach transpartnym srodkam, što paciahnuła parušeńnie pracy hramadskaha transpartu.
Abvinavačanyja pryznali svaju vinu častkova.
Pra čarhovy prysud pa «narodnym» artykule pravaabaroncam stała viadoma tolki ciapier.
Sud pryznaŭ usich troch vinavatymi i 27 maja 2022 hoda vynies pakarańnie ŭ vyhladzie abmiežavańnia voli biez nakiravańnia va ŭstanovu adkrytaha typu terminam try hady kožnamu. Taksama sud pryznaŭ hramadzianski pazoŭ pradpryjemstva «Minsktrans» ab spahnańni majomasnaj škody ŭ sumie 5 839 rubloŭ.
Usich troch vyzvalili z-pad aryštu ŭ zale suda.
-
U Bierazinie pračnulisia pčoły. Dziaŭčynka, jakaja ich pabačyła, skaryła tyktok
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary