Pjany mužčyna zvaliŭsia z płatformy ŭ Minsku prosta pad koły ciahnika, paviedamiła minskaja milicyja. Padyšoŭšy da kraju płatformy, čałaviek straciŭ raŭnavahu i ŭpaŭ na rejki.
Skrynšot ź videa
Mašynist ciahnika zaŭvažyŭ čałavieka na rejkach i ŭklučyŭ ekstrannaje tarmažeńnie, adnak šmattonny sastaŭ nielha spynić za siekundy. Tamu mužčyna apynuŭsia pad ciahnikom, ale, na ščaście, zastaŭsia žyvy i amal nie paciarpieŭ.
Vyratavała čałavieka toje, što jon zvaliŭsia ŭ prajom pamiž cemientnaj płatformaj i rejkami. Nieŭzabavie jaho vyciahnuli na płatformu. Niebaraku nie spatrebiłasia navat špitalizacyja — jon abyšoŭsia tolki drapinami.
Kamientary