Kachańnie i seks77

«Partnioraŭ niejrasietka padbiraje cynična». Ale voś jak sajt znajomstvaŭ Hot Chat 3000 acaniŭ Kalinoŭskaha

Ideja novaha sajta dla znajomstvaŭ Hot Chat 3000 žorstkaja až da absurdnaści. Tut štučny intelekt prajaŭlaje siabie całkam — jak i čałaviek u svajoj mahčymaści im (a jon nami) manipulavać.

Vyjava: skrynšot hotchat3000.com

MSCHF (vymaŭlajecca jak «mischief» — «svavolstva») — amierykanski mastacki kalektyŭ, jaki bazujecca ŭ Bruklinie, Ńju-Jork. Kamanda stvaryła šyroki śpiektr samych raznastajnych tvoraŭ mastactva, pačynajučy ad płahinaŭ dla braŭzieraŭ i fatahrafij noh, stvoranych ŠI, i zakančvajučy fizičnymi praduktami kštałtu krasovak ci niedarečnych vializnych čyrvonych botaŭ.

Raniej u hetym hodzie mastacki kalektyŭ zapuściŭ hulniu-simulatar znajomstvaŭ Tax Heaven 3000, jakaja adnačasova mieła spryjać vašaj padatkovaj adukacyi, byccam dapamahajučy padrychtavać vašy padatki na prybytak (pa amierykanskim zakanadaŭstvie).

Ciapier MSCHF viarnuŭsia z prajektam pad nazvaj Hot Chat 3000.

Sajt ​​hotchat3000.com ujaŭlaje saboj faktyčna anłajn-čat u farmacie «adzin na adzin», dzie toje, z kim vy razmaŭlajecie, zaležyć ad taho, nakolki vy pryvabna vyhladajecie pa škale ad 1 da 10. Rejtynh, samo saboj, vyznačajecca štučnym intelektam.

U humarystyčnym rekłamnym roliku da prajekta reparcior kaža: «Stvareńnie MSCHF vyklikaje ŭ ludziej mocny ažyjataž. Hot Chat 3000 vykarystoŭvaje ŭdaskanaleny štučny intelekt dla acenki «krutaści» čałavieka i supastaŭleńnia jaho z kim-niebudź takim ža «krutym» ci nie».

Pry pierachodzie na tak zvany ​​sajt znajomstvaŭ karystalnikam prapanujecca albo zrabić fota, albo zahruzić jaho sa svajho archiva. Prahrama aceńvaje vašu pryvabnaść pa škale ad 1 da 10 na padstavie fatahrafii — i vam dazvalajecca razmaŭlać tolki z tymi karystalnikami, jakija znachodziacca ŭ «dyjapazonie vašaj pryvabnaści» (naprykład, 5,0—5,9).

Vialikaja madel mašynnaha navučańnia, jakaja vykarystoŭvałasia dla sajta, była navučana OpenAI na nabory danych z 400 miljonaŭ par farmatu «vyjava-tekst», śćviardžaje Hypebeast. Madel pa fakcie vystaŭlaje acenki vyjavam u adpaviednaści sa «svaim» razumieńniem kancepcyj pryhažości, zakładzienym MSCHF.

Inšymi słovami, vyniki, jakija pakazvajuć sučasnyja vialikija moŭnyja madeli, źjaŭlajucca adlustravańniem danych, na jakich hetyja madeli navučalisia. A Hot Chat 3000 pa svaim ža ŭłasnym śćviardžeńni naŭmysna imkniecca vykryć, vizualizavać i pahoršyć hetuju niepaźbiežnuju praduziataść.

I ŭ kancy adzin zajmalny fakt. Rychtujučy hety artykuł, my pratestavali novy sajt znajomstvaŭ na fotazdymku Kastusia Kalinoŭskaha. Kalinoŭskaha niejrasietka acaniła ŭ 9,8 bała z 10. Vybitny biełarus akazaŭsia nastolki pryhožy, što niejrasietcy skłała prablemu znajści jamu paru dla hutarki.

Čytajcie taksama:

Čamu nie zajšoŭ ananimny tyndar dla biełarusaŭ?

Štučny intelekt zdolny padabrać vam idealnaha partniora. Sumna? Zatoje nadziejna

«Nie łajkaju mužčyn z hołym torsam». Biełaruski raskazali, pa jakich kryteryjach vybirajuć chłopcaŭ u Tinder 

Kamientary7

  • rom
    04.05.2023
    Mnoho i ot fotki zavisit😁
  • RŁB
    04.05.2023
    Fu, kak pošło.
  • Śnid
    04.05.2023
    Niepłochaja popytka, cifrovoj antichrist, no niet, ja nie budu posyłať svoju fotku v jeŝio odin II-šriedier :)

Ciapier čytajuć

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia17

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia

Usie naviny →
Usie naviny

Homielskija milicyjaniery vypadkova dadali «ekstremista» ŭ svoj unutrany čat — što jon tam ubačyŭ5

Čamu zdarajucca trahiedyi z byłymi biełaruskimi vajarami ŭ mirnym žyćci? Pra samahubstva dobraachvotnika ŭ Hdańsku i nie tolki8

Ratavalniki ceły viečar šukali rybaka-tapielca ŭ Miadzielskim rajonie. Na nastupny dzień jon viarnuŭsia pa łodku

U elitnym kvartale ŭ centry Minska prapanavali jašče partyju kvater. Cana kvadrata ŭražvaje5

Paśpiachovy šef-kuchar ź Indyi adkryŭ restaran na Kamaroŭcy1

Minabarony pryznała padzieńnie bieśpiłotnika na Minsk9

Minskaja dyzajnierka: Razmaŭlać pa-biełarusku, nie spytaŭšy surazmoŭcu, ci zručna jamu, — śvinstva88

U Amurskaj vobłaści Rasii dziaŭčyna vypadkova vykinuła $75 tysiač. Uvišnyja susiedzi znajšli na śmietniku: častku prapili, na reštu kupili dom1

Na vulicy Matusieviča ŭ Minsku pobač ź dziciačym sadkom upaŭ bieśpiłotnik38

bolš čytanych navin
bolš łajkanych navin

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia17

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić